Foto: Erlan Omar
Esterińizge sala keteıik, 2024 jyldyń 1 qańtarynan bastap elimizde jumys berýshiniń mindetti zeınetaqy jarnalary engizilgen bolatyn. Bul jarnalar jumys berýshi tarapynan tólenip, olardyń qyzmetkerleriniń paıdasyna aýdarylady.
Eńbek jáne halyqty áleýmettik qorǵaý mınıstrliginiń málimetinshe, 2024 jyly mólsherleme 1,5% bolsa, 2025 jyldan bastap ol 2,5%-dy qurady. Jospar boıynsha, bul kórsetkish 2028 jylǵa qaraı 5%-ǵa deıin birtindep ósetin bolady.
«Jumys berýshilerdiń JMZJ aýdarýy jumyskerlerdi qartaıǵan shaǵynda ómir boıy qosymsha jınaqtaýshy zeınetaqy tólemimen qamtamasyz etýge múmkindik beredi. Atalǵan shara qazaqstandyqtardyń jas býynyn qoldaýǵa baǵyttalǵan, olardyń zeınetaqy mólsheri olardyń zeınetaqy aýdarymdaryna tikeleı baılanysty bolady. Olardyń zeınetaqysy úsh komponentten quralady: memleketten bazalyq zeınetaqy, jınaqtaýshy – Biryńǵaı jınaqtaýshy zeınetaqy qoryna óz aýdarymdary esebinen jáne shartty-jınaqtaýshy – jumys berýshilerdiń jarnalary esebinen bolady», delingen habarlamada.
Aıta keteıik, JMZJ tóleýdi jumys berýshiler 1975 jylǵy 1 qańtardan keıin týǵan adamdar úshin ǵana júzege asyrady.
Sonymen qatar, QR Salyq kodeksine sáıkes, jumys berýshi tóleıtin bul jarnalar salyq salynatyn tabystan shegeriledi. Osylaısha, jumys berýshi úshin qosymsha júkteme shamadan tys aýyr bolmaı, qarjylyq turǵyda tıimdi jaǵdaı saqtalady.
