Sýretterdi túsirgen – Valerıı BÝGAEV
Baǵdarlama alǵash iske qosylǵan 2020 jyly pavlodarlyqtar ótinish berýde asa belsendilik tanyta qoımaǵan. Soǵan oraı alǵashqy eki jylda ortasha alǵanda 5-6 joba ǵana maquldandy. 2022 jyly qala ákimdigi turǵyndardy osy iske belsene qatysýǵa shaqyryp, ótinimderdi qabyldaýdyń úsh kezeńin jarııalady. Aqyrynda jurttyń 300-ge jýyq ótinishi maquldandy. Biraq onyń barlyǵyn ómirsheń etýge qyrýar qarajat qajet edi. 2024 jyldyń ortasynda maquldansa da iske aspaǵan 159 ótinish turyp qaldy. Resmı málimetterge súıensek, olardyń sany qazir 94-ke deıin azaıǵan.
«Júzege aspaı turýyna túrli sebep bar: keıbirin tehnıkalyq turǵydan ómirsheń etý múmkin emes, endi birine qajetti bos aýmaq joq. Taǵy birnesheýin «Halyq qatysatyn bıýdjet» jobasy aıasynda iske asyrýǵa kelmeıdi. О́zge jobalar bıýdjetten bólinetin qarajattardyń shegine qaraı birtindep iske asady», deıdi shahar basshysy Hasar Habylbekov.
Sheneýnikter 55 jobany jaramsyz dep tanyǵan. Olardyń barlyǵy halyq jappaı usynys tastaǵan 2022 jyly tirkelgen eken. Osylaısha, ákimdik ókilderi «artyq qylamyz dep, tyrtyq qyldy». Qazir iske asýǵa tıistiler tiziminde 30 ótinim ǵana qalǵan. Máselen, №41 mektep janynan «Halyq qatysatyn bıýdjet» baǵdarlamasy negizinde shaǵyn skver jasalýy kerek edi. Biraq turǵyndar jobany áli kútip júr. Keleshekte aýmaqta skver emes, saıabaq qurylsa da artyq bolmaıtyndaı.
«Bul úıde turyp jatqaly tórtinshi jyldan assa da turǵyndarǵa jasalǵan ıgilikterdi kórmedik. Munda avtobýs keletindeı múmkindik jasasa, saıabaq salsa qandaı tamasha bolar edi. Qolaıly orta joq. Úı aldynda balalardyń oıyn alańy bar, biraq biz sııaqty jastar úshin serýendeıtin oryn tapshy», deıdi Malaısary batyr kóshesiniń turǵyny Baqyt Rahymjanova.
Máshhúr Júsip kóshesi, 20/2 mekenjaıynda ornalasqan aýlada da baǵdarlama boıynsha joba iske asýy kerek edi. Zeınetkerler óz betimen aýlaǵa gúl egip, kóriktendirip qoıǵan. Munda shaǵyn kólik qoıatyn oryn men eski basketbol sheńberi ǵana bar. Al joba boıynsha strıtbol alańy jasalýǵa tıis. «Sheneýnikterdiń bizdiń aýlada eshteńe jasaǵysy kelmeıtini baıqalady. Birneshe márte surap bardyq, naqty jaýap aıtpaıdy. Biz sııaqty qarııalar óz betimen ne istesin», dep qynjylady turǵyn Iýlııa Eleseeva.
Baǵdarlama iske qosylǵaly kópshilikten 464 ótinim túsip, onyń 322-si maquldanǵan jobalar tizimine engen. Alaıda sheneýnikter ótken jyldardan qordalanyp qalǵan jobalardy aıaqtaýdyń ornyna ótinim qabyldaýdyń jańa kezeńin jarııalap, keıbirin maquldap jatyr.
«2025 jylǵa daýystardyń basym bóligin ıelengen 6 jobalyq usynys maquldandy. Bıyl 81,9 mln teńge qarastyrylyp otyr», dep habarlady qalalyq ákimdik.
Sheneýnikter barlyq kezeńnen ótken ótinim bir jyldan soń iske asyrylady dep ýáde etken. Iаǵnı maquldanǵan usynystar bıýdjetke engizilip, tıisti qarajat bólinýi kerek. Al is júzinde mundaı naqtylanǵan jospar kózge shalynar emes.
PAVLODAR
