Sýret: senate.parlam.kz
Atap aıtqanda, Senat depýtattary Ǵalıasqar Sarybaev pen Amangeldi Tolamısov Almatynyń taý bókterinde tótenshe jaǵdaıdyń aldyn alý sharalarymen tanysty. Muzdyqtar kúrt erigen kezde halyq zardap shekpeıtindeı tótenshe jaǵdaılardyń aldyn alý qajet. Depýtattardyń aıtýynsha, oǵan osy bastan ınjenerlik qurylystardy jańǵyrtyp, jaǵalaý syzyǵyn nyǵaıtý kerek. Mundaı jumystar ýaqtyly júrgizilmese, tótenshe jaǵdaılarǵa tótep berý múmkin emes.
«Gıdrologııalyq jaǵdaıdyń ózgeristerine turaqty monıtorıng júrgizip turý kerek. Sondyqtan aldymen mekemearalyq ózara úılestirilgen is-qımyldy jolǵa qoıý qajet. Bul – taýly aýmaqta turatyn halyqtyń qaýipsizdigin saqtaýdyń negizi», dedi Ǵ.Sarybaev.
A.Tolamısov te gıdrotehnıkalyq ınfraqurylymdy kútip-ustaýǵa jáne damytýǵa júıeli kózqaras kerek ekenin aıtty. О́ıtkeni klımat ózgerip, halyq sany ósip jatqan kezeńde megapolıs turaqty damyp otyrýy qajet.
«Almatynyń muzdyq kólderi men bógetteri sý tasqyny men selge qarsy qorǵanys júıesinde sheshýshi ról atqarady. Barlyq memlekettik basqarý qurylymdary nysandardy durys paıdalanýǵa basymdyq berýge tıis», dedi senator.
Al Senat depýtaty Aınur Arǵynbekova Abaı oblysyna jumys sapary aıasynda Borodýlıha aýdandyq máslıhatynyń depýtattarymen kezdesti. Senator sondaı-aq aýdan ortalyǵynda áleýmettik osal sanattaǵy azamattarǵa arnap salynyp jatqan turǵyn úılerdi aralady. Qurylysqa jergilikti jerde óndirilgen materıaldar paıdalanylyp, jumys kúshine jergilikti turǵyndar tartylǵan. A.Arǵynbekova Kamyshenka aýylyndaǵy 100 oryndyq demalys ortalyǵynyń qurylysymen de tanysty. Nysannyń qurylysy keste boıynsha júrgizilip jatyr, kúzde paıdalanýǵa berilmek.
Senator Amangeldi Nuǵmanov Aqtóbe oblystyq polısııa departamentiniń jumysymen, jeke quramnyń qyzmetimen jáne negizgi bólimshelerimen tanysty. Quqyq qorǵaý organdarynyń derekteri boıynsha qazir oblysta turaqty ahýal saqtalyp otyr. О́ńirde jyl basynan beri 240-tan asa áıel psıhologııalyq jáne zań kómegin alyp, 43 áıel men 99 bala daǵdarys ortalyǵyna ornalastyrylǵan.
Senator qoǵamdyq tártipti qamtamasyz etý men quqyq buzýshylyqtyń aldyn alýdaǵy jáne azamattardy qorǵaýdaǵy polısııanyń mańyzdy rólin atap ótti. Depýtat sonymen qatar 10 myńnan asa kamerasy bar beınebaqylaý júıesimen jabdyqtalǵan jedel basqarý ortalyǵynda da boldy. Tehnologııa quqyq buzýshylyqtardy tıimdi baqylaýǵa jáne aldyn alýǵa, sondaı-aq qala men aýdandardaǵy qaýipsizdikti jedel baqylaýǵa múmkindik beredi. A.Nuǵmanov polısııa jumysynyń servıstik úlgige kóshýin, halyqpen keri baılanysty damytý men ýchaskelik ınspektorlardyń ashyqtyǵy jáne qoljetimdiligin arttyrýǵa baǵyttalǵan bastamalaryn joǵary baǵalady.
Senatorlar Naýryzbaı Baıqadamov pen Rýslan Rústemov Qyzylorda oblysyndaǵy Qarmaqshy jáne Qazaly aýdandarynda boldy. Qazir Qarmaqshy aýdanynda Dúr Ońǵar, Iirkól jáne Tórebaı bı aýyldarynda gaz jetkizý jumystary júrip jatyr. Depýtattar jergilikti bılikke qashyq eldi mekender negizgi ınfraqurylym ıgilikterinen qur qalmaý kerek ekenin eskertti. Sondaı-aq olar Qazaly aýdanynda Syrdarııa ózeni arqyly ótetin kópirdiń qurylysymen de tanysty. Búginde buryn toqtap qalǵan kópir qurylysy qaıta jandanyp jatyr. Mádenı murany saqtaý máselelerine de erekshe nazar aýdaryldy.
«Qarmaqshy jáne Qazaly aýdandarynyń tarıhı jáne mádenı áleýeti zor. Jalpy, aýyldardy damytý, gaz, sý, jol jáne áleýmettik ınfraqurylymmen qamtamasyz etýdi Parlamentte júıeli túrde kótere beremiz», dedi R.Rústemov.
