Numbeo saraptamalyq platformasynyń sarapshylary birneshe eldiń turǵyndary arasynda saýalnama júrgizip, ómir súrý shyǵyndaryn eseptegen. Olar azyq-túlik, azyq-túlikke jatpaıtyn taýarlar men aqyly qyzmetterdiń baǵasyn zerttegen.
Olardyń shilde aıyna jasaǵan esebi boıynsha, Qazaqstanda bir adamnyń aı saıynǵy negizgi shyǵyndary (turǵyn úı jaldaý qunyn qospaǵanda) 265 533 teńgeni quraıdy. Al tórt adamnan turatyn otbasynyń shyǵyny 946 300 teńgege deıin jetedi.
Mamandar bul kórsetkishti Eýrazııalyq ekonomıkalyq odaqtaǵy eń joǵarylardyń biri dep atady.
Reseı – 352 223 tg (otbasy úshin 1 242 203 tg)
Qyrǵyzstan – 244 789 tg (875 374 tg)
Belarýs – 252 993 tg (897 139 tg)
Armenııa – 397 199 tg (1 412 038 tg)
Sarapshylardyń aıtýynsha, qazaqstandyqtar "tamaq úshin jumys isteıdi". 2004 jyly úı sharýashylyqtarynyń jalpy tutynýshylyq shyǵyndarynyń 45,7%-y tamaqqa jumsalsa, ótken jyly bul kórsetkish 55,4%-ǵa deıin ósken. Iаǵnı, bir jyl ishinde azyq-túlikke jumsalatyn úles 10 paıyzdyq tarmaqqa artqan.
