QazUÝ-de Haınan provınsııasynyń Qytaı halyq saıası keńesiniń komıteti (QHSKK) delegasııasymen ótken kezdesýde spýtnıktik jerústi stansasyn ornatý jáne oryn tańdaý týraly kelisimge qol qoıyldy.
QazUÝ-dyń basqarma múshesi – ǵylymı-ınnovasııalyq qyzmet jónindegi prorektory Marǵulan Ibraımov byltyr ál-Farabı atyndaǵy Qazaq ulttyq ýnıversıteti men Qytaı Halyq Respýblıkasynyń Soltústik-batys polıtehnıkalyq ýnıversıteti mıkrospýtnık arqyly ǵylymı zertteýler júrgizý boıynsha kelisimge qol qoıylǵanyn atap ótip, atalǵan kelisim Memleket basshysy Qasym-Jomart Toqaev pen Qazaqstanǵa resmı saparmen kelgen QHR Tóraǵasy Sı Szınpınniń birlesken málimdemesinde qol jetkizilgendigine toqtaldy. Qazirgi kezde ǵalymdar SBPÝ-daǵy áriptestermen birlesip Qazaqstan men Ortalyq Azııadaǵy alǵashqy ýnıversıtettik mıkrospýtnık bolyp tabylatyn NKSAT jobasyn ázirlep jatyr.
Jalpy quny 3 mıllıon dollardy quraıtyn joba aıasynda QazUÝ aýmaǵynda Haınan spýtnıktik derekter ortalyǵy jáne SBPÝ-men birlesip jerústi stansııasyn ornatý josparlaǵan. Stansa H-dıapazonda jumys istep, basqa elderdiń spýtnıkterinen de sıgnal qabyldap, óńdeýge múmkindik beredi.
О́z kezeginde Haınan provınsııasy QHSKK tóraǵasynyń orynbasary Lı Golıan Haınan spýtnıktik derekter ortalyǵynyń jerústi stansasyn qurý taraptar arasyndaǵy seriktestiktiń jańa kezeńine jol ashatynyn atap ótti.
О́zara kelisim negizinde QazUÝ-daǵy Soltústik-batys polıtehnıkalyq ýnıversıtetiniń fılıaly bazasynda jerústi qabyldaý stansasyn ornatý boıynsha birlesken jumystar iske asady. Joba Qazaqstanmen shekaralas aýmaqtarda spýtnıktik derekterdi taratý, almasý jáne tıimdi paıdalaný múmkindigin arttyrýǵa baǵyttalyp otyr.
Almaty
