Meıirman Shekeevtiń sózinshe, Sherzat isi boıynsha apellıasııalyq sot 18 tamyzda saǵat 11:00-de Almaty oblysy sotynyń ǵımaratynda ótedi.
- Sonymen qatar, Dýman Ysqaq birinshi satydaǵy úkimdegi jazany ótep qoıǵandyqtan Almaty oblystyq sotynyń qylmystyq ister jónindegi sot alqasynyń sýdıasy Musabekovanyń 2025 jylǵy 23 shildedegi sot qaýlysymen bultartpaý sharasy joıylyp, qamaýdan bosatyldy, – deıdi Shekeev.
Aıta keteıik, 5 maýsymda Talǵarda kisi qolynan mert bolǵan jasóspirim Sherzat Polattyń isi boıynsha sot prosesine núkte qoıyldy.
Sotta tórelik etken sýdıa Erjan Januzaqovtyń úkimimen: Abzal Shynasyl 23 jylǵa sottaldy.
Ravıl Sakıev 20 jyl, Shyńǵys Belǵojaev 7 jyl; Darhan Áskentaı 7 jyl, Nurqııas Ilııasov 9 jyl (burynǵy 2,5 jylǵa shekteý jazasyn qosqanda); Nurbol Toqtaýbaev 7 jyl, Azamat Toqtaýbaev 15 jyl (burynǵy jazasyn birge qosqanda), Dıdar Qalıahmet 7 jylǵa, kámeletke tolmaǵan Dýman Ysqaq qylmystyq kodekstiń 434-bap (aýyr qylmys jasalǵanyn habarlamaý) 1,5 jylǵa sottaldy. Onyń ızolıatordaǵy bir kúni eki kún retinde esepteletin boldy.
