Qondyrǵy egis dalasynda, baý-baqsha, fermalarda qoldanýǵa, ónimdi óńdeýge qolaıly.
Tabıǵı qosylystar men polımerlerdiń organıkalyq zattar hımııasy jáne tehnologııasy kafedrasynyń aǵa oqytýshysy, dárilik zattardyń organıkalyq sıntezi jáne hımııasy zerthanasynyń meńgerýshisi, PhD Erbol Ihsanovtyń aıtýynsha, lıofılızasııa nemese sýblımasııalyq keptirý – muzdatylǵan ónimnen sýdy tómen qysymda býlandyryp, onyń tabıǵı qurylymy men paıdaly qasıetterin saqtap qalatyn ozyq tehnologııa. «Dayar 20» qondyrǵysy arqyly óńdelgen keptirilgen ónimderdiń dámi, túsi, ıisi, pishini jáne quramyndaǵy dárýmenderi uzaq saqtalady. Sonymen qatar jemis-jıdekterdi, kókónisterdi, et pen sút ónimderin, tipti daıyn taǵamdar men balyqqa deıin joǵary sapada keptirýge bolady. Qurǵaq ónimderdi arnaıy tońazytqyshsyz bólme temperatýrasynda 1-3 jylǵa deıin, al arnaıy qaptamamen 10-50 jylǵa deıin saqtaýǵa bolady.
«Dayar 20» – fermerler úshin senimdi kómekshi. Sonymen qatar agroónerkásiptik keshen men óńdeý salasyn jańǵyrtýǵa jol ashatyn tehnologııa. Qurylǵy, ásirese, taýly jáne shalǵaı aýdandardaǵy sharýashylyqtar úshin tıimdi. Innovasııalyq jobany júzege asyrǵan QazUÝ ǵalymdary aýylsharýashylyǵy ónimderiniń eksporttyq áleýetin arttyryp, azyq-túlik qaýipsizdigin qamtamasyz etýge úles qosatyn bolady.
Almaty
