ALMATY. 5 tamyz. Selden zardap shekkenderge kómekke 50 mıllıon teńge jınaldy. Bul týraly egemen.kz habarlady.
«Jańa Alataý» qoǵamdyq qorynyń dırektory Aıdar Balabekov halyqtan jınalǵan bul qarajat arnaıy esepshotta saqtalyp tur dedi. Ony bólý –arnaıy qurylǵan komıssııa músheleriniń úlesinde. Balabekovtiń málimdeýinshe, qazirdiń ózinde Almatynyń Naýryzbaı, Áýezov, Alataý aýdandarynyń selden zardap shekken turǵyndary qordyń atyna ótinish túsire bastady. Atap óterlik bir is, taý ózeniniń arnalaryn dezınfeksııalaý jumysyna da arnaıy aqsha bólinbekshi.
Qazirgi tańda zardap shekken aýdanda 836 soldat tynbaı jumys isteýde. Qor dırektory Naýryzbaı aýdany ákiminiń ótinishi boıynsha soldattarǵa qosymsha tamaq beriletin boldy.
Qoǵamdyq qordyń Naýryzbaı aýdanyndaǵy mekenjaıy: Qalı Nádirov kóshesi, 51 «A» úı, tel.: (727) 317-26-10.
Talǵat Súıinbaı.
Derek, sýret: egemen.kz.
