Ekonomıkalyq tergeý departamentiniń málimetinshe, atalǵan tulǵa quryltaıshy men oǵan baılanysty tulǵalardyń esepshotyna aqsha aýdaryp, memleket aldyndaǵy mindettemelerden jaltarýǵa tyrysqan.
«Bankrottyq basqarýshy, memlekettik qaryzdyń bar ekenin bile tura, quryltaıshynyń múddesin qorǵaýǵa tyrysyp, bıýdjetpen esep aıyrysýdan ádeıi jaltardy», – delingen vedomstvo habarlamasynda.
- Tergeý nátıjesinde basqarýshy qarjyny:
- zańgerlik qyzmetterge aqy tóleý;
- kásiporynnyń qaryzyn óteý;
- quryltaıshyǵa qarjyny qaıtarý sekildi jeleýmen aýdarǵany belgili boldy.
Alaıda, bul operasııalar eshqandaı zańdy qujatpen negizdelmegen. Tıisinshe, bul áreketter kásiporyn múlkin ádiletsiz bólip, bıýdjetti aınalyp ótýge baǵyttalǵan.
BQO-nyń mamandandyrylǵan ekonomıkalyq soty jasalǵan tranzaksııalardy jaramsyzdep tanyp, basqarýshynyń áreketin zańǵa qaıshy dep baǵalady.
«Bul áreketter – memlekettik bıýdjet aldyndaǵy mindettemelerdi oryndamaý jáne quryltaıshyǵa kómektesý maqsatynda jasalǵan», – deıdi Ekonomıkalyq tergeý departamenti.
Qazir qylmystyq is sotqa joldandy.
