Bul tabys el mádenıet úshin shyn máninde tarıhı oqıǵa boldy. Baıqaý tarıhynda alǵash ret Ortalyq Azııa ókili kóshbastady.
«Baıqaý tarıhynda Áıgerim Altynbek baıqaýdyń basynan-aq barlyq qazylar alqasynyń reıtınginde birinshi boldy – bul sırek kezdesetin jaǵdaı, ol kópshiliktiń tańdaýynyń durystyǵyn rastaıdy, ol oǵan «Emosııa» júldesin berdi» dedi qazylar alqasynyń tóraǵasy Domınık Meıer.
Baıqaýǵa álemniń túkpir-túkpirinen 200 ótinim jiberilgen. Onyń ishinde 92 jartylaı fınalıst anyqtalǵan. Odan keıin 10 fınalıst Karlo Felıche teatrynyń orkestrimen óner kórsetken.
Baıqaýdyń eń úzdik áıel daýysy júldesin Áıgerim Altynbekke álemniń túkpir-túkpirindegi jas daryndy vokalıstterdi izdestiretin jáne qoldaý kórsetetin uıym Ibanes-Atkınson qory (Chılı) bergen. Qor álemniń jetekshi teatrlarmen yntymaqtasady jáne Santıagodaǵy opera teatrymen birge jastar baǵdarlamasyn ázirleıdi. Osy shyǵarmashylyq top Áıgerim Altynbekke kásibı usynys jasap, Ońtústik Amerıka kontınentinde alǵash ret Azııalyq ánshige qoldaý kórsetýdi sheshken. Bul qazaqstandyq ónerpazdyń halyqaralyq mansabyn órletý jolyndaǵy mańyzdy qadam.
Bul tamasha tabys elimiz úshin naǵyz serpilis boldy. Bıik básekelestikke qaramastan, Áıgerim Altynbek qazaqstandyq vokal mektebiniń halyqaralyq iri alańdarda top jara alatynyn aıǵaqtady.
Aıta keteıik, Concorso Lirico Internazionale di Portofino (CLIP) - jyl saıyn Italııanyń Portofıno qalasynda ótetin eń bedeldi halyqaralyq vokal baıqaýlarynyń biri. Onyń qazylar alqasy jetekshi ımpresarıolardan, Eýropadaǵy eń iri opera teatrlarynyń, sonyń ishinde Vena memlekettik operasy, La Skala, Glındebýrn, Metropolıten jáne Champs-Elysées teatrynyń dırektorlarynan quralady. Fınalǵa shyqqandar Portofınodaǵy ashyq aspan astynda «Teatro Karlo Felıche» orkestrimen óner kórsetedi. Bul shara ıtalıandyq arnalardan kórsetilip, myńdaǵan kórermen qatysady.
