Foto: Sý resýrstary jáne ırrıgasııa mınıstrligi
Ile ózeni arqyly kelgen sýdyń Qapshaǵaı sý qoımasyn (Almaty oblysy) ekinshi jyl qatarynan 100 paıyz toltyrýy – óz kezeginde Balqash kóline 8,52 mlrd tekshe metr sý jiberýge múmkindik berdi. Nátıjesinde jyl basynan beri Balqashtyń sý deńgeıi orta eseppen 341,55 metrden 341,87 metrge deıin kóterildi.
QR Sý resýrstary jáne ırrıgasııa mınıstrliginiń Qytaımen jáne Reseımen sý salasyndaǵy yntymaqtastyǵy basqarmasynyń basshysy Naǵıma Ájiǵulovanyń aıtýynsha, QHR-men yntymaqtastyq transshekaralyq ózenderdi ǵana qamtymaıdy. Bıyl naýryz aıynda Qazaqstan men Qytaıdyń sý vedomstvolary alǵash ret ózara túsinistik pen yntymaqtastyq týraly Memorandýmǵa qol qoıdy.
«Atalǵan qujatta resýrstardy tıimdi ári turaqty paıdalanýdy qamtamasyz etý, zamanaýı tehnologııalardy engizý, balamaly sý kózderin bólý jáne ıgerý, sondaı-aq tájirıbe almasý men birlesip kadrlar daıarlaý jónindegi yntymaqtastyqty nyǵaıtý kózdelgen», dedi N.Ájiǵulova.
