Onyń aıtýynsha, bul bastama Memleket basshysynyń Túrkııanyń jetekshi logıstıkalyq kompanııalarynyń biriniń basshylyǵymen ótkizgen kezdesýiniń qorytyndysy negizinde qolǵa alynýda.
– Memleket basshysy logıstıka salasyndaǵy túrkııalyq kompanııa ókilin qabyldap, Qazaqstannyń kólik-tranzıt áleýetin damytý boıynsha naqty mindetter júktedi. Osyǵan oraı, Aqtóbe óńirinde jańa kólik-logıstıka habyn qurýdy josparlap otyrmyz. Bul joba elimizdiń batysyndaǵy ınfraqurylymdyq múmkindikterdi keńeıtip, óńirlik jáne halyqaralyq júk tasymalynyń tıimdiligin arttyrýǵa sep bolady, – dedi Nurlan Jaqypov.
Atalǵan joba Qazaqstan men Túrkııa arasyndaǵy strategııalyq áriptestikti tereńdetip, kólik dálizderin ártaraptandyrýǵa, sondaı-aq Orta dáliz – Transkaspıı halyqaralyq kólik baǵyty aıasyndaǵy júk aǵyndaryn ulǵaıtýǵa múmkindik beredi.
Joba aıasynda temirjol jáne avtokólik ınfraqurylymyn damytý, zamanaýı qoıma keshenderin salý jáne kedendik rásimderdi jeńildetý kózdelip otyr.
«Samuryq-Qazyna» qory bul bastamany Túrkııamen birlesip júzege asyrýǵa nıetti ekenin atap ótti.
