Foto: Ashyq derekkóz
Eńbek jáne halyqty áleýmettik qorǵaý mınıstrliginiń habarlaýynsha, sheteldik jumys kúshin tartý birneshe sanat boıynsha júzege asyrylady. Atap aıtqanda:
- Birinshi sanat – basshylar men olardyń orynbasarlary (562 adam);
- Ekinshi sanat – qurylymdyq bólimsheler jetekshileri (2 340 adam);
- Úshinshi sanat – mamandar (4 060 adam);
- Tórtinshi sanat – bilikti jumysshylar (1 167 adam).
Sonymen qatar maýsymdyq jumysqa 2 874 adam, al korporatıvtik aýystyrý arqyly 3 817 shetel mamany tartylǵan.
«Qazirgi ýaqytta Qazaqstanda ShJK paıdalanatyn 1 882 jumys berýshi bar. Olarda 352 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y. Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 160 adam, aýyl, orman jáne balyq sharýashylyǵy – 2 902 adam, taý – ken ónerkásibi jáne karerlerdi qazý – 1 347 adam, óńdeý ónerkásibi – 1 178 adam», delingen habarlamada.
Aıta keteıik, elimizde jumys istep júrgen eńbek mıgranttarynyń basym bóligi Qytaı (5 463 adam), О́zbekstan (2 477 adam), Úndistan (1 097 adam) jáne Túrkııadan (1 071 adam) kelgen.
Mınıstrlik jyl saıyn ishki eńbek naryǵyn qorǵaý maqsatynda sheteldik mamandardy tartýǵa arnalǵan kvotany bekitedi. 2025 jyly bul kvota jumys kúshiniń jalpy sanyna shaqqanda 0,2 paıyz nemese 14,8 myń birlik kóleminde belgilense, naýryz aıynda jergilikti atqarýshy organdardyń suranysyna sáıkes bul kórsetkish 16,5 myń birlikke deıin arttyrylǵan.
