Aqdala aýyldyq okrýgindegi «Marat» sharýa qojalyǵy sharýashylyqqa tıesili 90 gektar sýarmaly jerge egilgen dándi daqyldyń ár gektarynan 18 sentnerden ónim alýdy kózdep otyr. Bólimshe basshysy Nurken Pushanov pen mehanızatorlar Álıhan Kósherbaev, Ǵalym Qorjynbaev bastaǵan eńbek adamdarynyń tynymsyz tirligi qalypty jaǵdaı sanalady. Ýaqytpen sanaspaı eńbek etýdiń nátıjesinde atalǵan sharýashylyq dıqandary búginde egilgen bıdaıdyń 90 paıyzyn bastyryp úlgergen. Egin oraǵyn sapaly atqarý maqsatynda bir «MacDon», bir «Claas Trion 730» kombaındaryn, sonymen qatar astyq tasmaldaýǵa eki «Kamaz» avtokóligin iske qosqan. Tehnıka kúshimen egistik alqaptaryndaǵy jumys sapaly júrgizilip, aıaqtalýǵa taıap keledi. 120 gektar jerde dala arýy – aq kúrish te jaıqalyp tur. Sýdy boılaı ósken dánniń qaýyz jara bastaǵany baıqalady.
300 gektar sýarmaly jerge egilgen jońyshqa shóbiniń birinshi orylymy oıdaǵydaı aıaqtalǵan. 8 000 orama shóp bastyryp, qysqy mal azyǵynyń berik qory jasalypty.
Almaty oblysy
