Foto: mb05.ru
Shekti jasy 29-ǵa deıingi talapkerlerge qoıylatyn negizgi sharttar:
1) aýyldyq jerlerdegi, shaǵyn jáne monoqalalardaǵy az qamtylǵan otbasylardan shyqqan balalar;
2) jetim balalar nemese kámeletke tolǵanǵa deıin ata-anasynyń qamqorlyǵynsyz qalǵandar;
3) múgedektigi bar azamattar;
4) múgedek balalardy tárbıelep otyrǵan otbasylardan shyqqan balalar;
5) 2022 jylǵy qaıǵyly qańtar oqıǵalary kezinde qaza tapqan Qazaqstan Respýblıkasy azamattarynyń balalary;
6) 2022 jylǵy qaıǵyly qańtar oqıǵalary kezinde jaraqat alǵan balalar.
Bilim berý granty bir rettik tártippen ataýly grant negizinde usynylady. Bul grant joǵary bilimi bar tulǵalarǵa, sondaı-aq respýblıkalyq nemese jergilikti bıýdjet qarajaty esebinen «bakalavr» dárejesin alý úshin memlekettik bilim berý granty taǵaıyndalǵan tulǵalarǵa ekinshi joǵary bilim alýǵa jáne onlaın-oqýǵa berilmeıdi.
«Grant taǵaıyndalatyn úmitkerlerdiń tizimin JJOKBU/Fılıal aǵymdaǵy kúntizbelik jyly UBT-dan ótken jáne onyń nátıjeleri boıynsha oqýǵa túsý úshin qajetti shekti balyn jınaǵan (onyń ishinde shyǵarmashylyq emtıhandardy eskere otyryp) talapkerler qatarynan quraıdy. Tizim joǵary oqý ornynyń nemese Fılıaldyń konkýrstyq komıssııasy otyrysynyń hattamasy túrinde rásimdeledi», delingen «Qazaqstan halqyna» qoǵamdyq qorynyń habarlamasynda.
Grant usynylatyn JOO tizimi, grant sany jáne iske asyrý jospary boıynsha tolyq maǵlumatpen «Qazaqstan halqyna» QQ resmı saıtynda qazaqstanhalqyna.kz tanysyp, bilýge bolady.
