Sýret: anatili.kazgazeta.kz
Etnosaralyq qatynastar salasyndaǵy memlekettik saıasatty iske asyrý aıasynda jyl basynan beri respýblıka óńirlerinde aqparattyq-túsindirý toptary belsendi jumys istep jatyr. Olardyń qatysýymen azamattardyń quqyqtyq jáne etnosaıası saýattylyǵyn arttyrýǵa baǵyttalǵan 2 myńnan asa oqytý jáne aldyn alý is-sharasy ótkizildi.
Etnomedıasııa ınstıtýtyn damytýǵa erekshe kóńil bólinip keledi. Elimizde kásibı medıatorlar, zańgerler, pedagogtar, psıhologter, dintanýshylar, jýrnalıster men qoǵam belsendileri kiretin 20-dan asa ortalyq pen keńes jumys isteıdi. 2025 jyldyń alǵashqy jartysynda olar 500-ge jýyq is-shara ótkizip, oǵan 22 myńnan asa adam qatysqan.
Bıyldan bastap eldegi 14 joǵary oqý ornynda jýrnalıstıka mamandyǵy boıynsha oqıtyn stýdentterge arnalǵan «Etnosaıası saýattylyq» atty jańa pán engizildi. Bul jýrnalısterdiń medıa keńistikte etnostyq taqyryptarǵa jaýapkershilikpen qaraýǵa, turaqty mádenıetti qalyptastyrýǵa sep yqpal etedi.
Etnosaralyq qaqtyǵystardyń aldyn alý boıynsha Qazaqstan halqy Assambleıasy janyndaǵy Analar keńesi belsendi ról atqarady. Búginde 1 700-den asa osyndaı uıym jumys isteıdi. Olar adamgershilik qundylyqtardy nasıhattaýǵa jáne otbasylyq tárbıeni nyǵaıtýǵa baǵyttalǵan jobalardy júzege asyrady. Sonymen qatar jarty jyl ishinde 300-den asa máseleni qarastyryp, 200-den asa usynys jasaǵan Aqsaqaldar keńesi de tıimdi jumys istep jatyr.
«Jomart jan» ortalyqtarynda 340-tan asa mesenat, volonter men qoǵam qaıratkeri birigip, qaıyrymdylyq baǵyt boıynsha jumys isteıdi. Olar jyl basynan beri 500-den asa is-shara uıymdastyryp, jalpy somasy 304 mln teńgeden asa kómek kórsetken.
Azamattyq jaýapkershilik mádenıetin qalyptastyrýǵa ekologııalyq aksııalarǵa qatysýshylar da aıtarlyqtaı úles qosyp keledi. «Taza Qazaqstan» jalpyulttyq bastamasy aıasynda 300 myńnan asa etnomádenı birlestik ókilderi, jastar men volonterler qatysqan túrli is-sharalar uıymdastyryldy.
