Úkimet • 31 Shilde, 2025

Bıyl 19,2 mln sharshy metr turǵyn úı paıdalanýǵa beriledi

20 ret

kórsetildi

1 mın

oqý úshin

Memleket basshysynyń qoljetimdi baspanamen qamtý jóninde bergen tapsyrmalaryn júzege asyrý aıasynda bıyl turǵyn úı qurylysy salasynda rekordty kórsetkish – 19,2 mln sharshy metr turǵyn úıdi paıdalanýǵa berý josparlanyp otyr. Alǵashqy alty aıdyń qorytyndysy boıynsha 7,9 mln sharshy metr paıdalanýǵa berilgenin Úkimette ótken baspasóz konferensııasy barysynda birinshi vıse-premer Roman Sklıar habarlady, dep jazady Egemen.kz.

Shyńǵys MUQAEV

Bıyl 19,2 mln sharshy metr turǵyn úı paıdalanýǵa beriledi

Foto: yandex.kz

Úkimettiń baspasóz qyzmetiniń málimdeýinshe odan bólek energetıka salasynda bıylǵy birinshi jartyjyldyqta 62,2 mlrd kVt/saǵat elektr energııasy óndirildi, bul ótken jyldyń deńgeıinen 3,3%-ǵa joǵary. 2028 jylǵa qaraı jalpy qýattylyǵy shamamen 6700 MVt bolatyn jańa generasııa iske qosylady, onyń ishinde bıyl dástúrli jáne balamaly qýat kózderi boıynsha 620 MVt engiziledi.

Al Investısııalyq shtab jumysy sheńberinde jyl basynan beri jalpy quny shamamen 60 mlrd dollardy quraıtyn 71 ınvestısııalyq joba qaralǵan. Investısııalyq jobalardy súıemeldeý Ulttyq sıfrlyq ınvestısııalyq platforma arqyly júzege asyrylyp jatyr. Atalǵan platformada jalpy somasy 77 trln teńgeden asatyn 1 106 joba tirkelgen.

«Jalpy alǵanda, Memleket basshysynyń barlyq tapsyrmalary qatań baqylaýda tur», dedi vıse-premer.