Foto: Úkimet
Premer-mınıstr marapattaý saltanatynda kólik-logıstıka sektorynyń el ekonomıkasyn damytýdaǵy basty rólin atap ótti.
«Memleket basshysy Qasym-Jomart Kemeluly Toqaev bizdiń aldymyzǵa kólik sektorynyń áleýetin arttyryp, Qazaqstandy senimdi tranzıttik hab retinde damytý mindetin qoıdy. Bul oraıda, jolaýshylar men júk tasymalyn qaýipsiz ári úzdiksiz qamtamasyz etip otyrǵan kólik qyzmetkerleriniń qajyrly eńbegi qashanda mańyzdy. Otandyq kólik salasy bıylǵy 6 aıdyń qorytyndysy boıynsha 22,7% deńgeıinde qarqyndy ósim kórsetti. Munyń barlyǵynda ózderińiz sııaqty sala mamandary men ardagerleriniń mańdaı teri, adal eńbegi jatyr», dedi Oljas Bektenov.
Prezıdenttiń tapsyrmasy boıynsha júzege asyp jatqan ınfraqurylymdy jańǵyrtý, sıfrlandyrý jáne Qazaqstannyń tranzıttik áleýetin arttyrý boıynsha aýqymdy sharalar atap ótildi. Qazirgi ýaqytta 13 myń shaqyrym avtojol jóndelip, 1,3 myń shaqyrymnan astam jańa temirjol jelileri, zamanaýı logıstıkalyq habtar men áýejaılar salynyp jatyr. 2029 jylǵa qaraı el aýmaǵy arqyly ótetin tranzıttik júkterdiń kólemin 100 mln tonnaǵa deıin arttyrý josparlanǵan.
Transkaspıı halyqaralyq kólik dálizin qosa alǵanda, mýltımodaldy marshrýttardy damytýǵa erekshe nazar aýdarylýda – bul jobany júzege asyrý úshin Aqtaý jáne Quryq porttary jańǵyrtylýda. Sondaı-aq Prezıdenttiń tapsyrmasy boıynsha bıyl naýryz aıynda Ulttyq quryltaı otyrysynda Astana – Arqalyq – Torǵaı – Yrǵyz baǵyty boıynsha THKB-ǵa shyǵatyn «Ortalyq – Batys» magıstraliniń qurylysy bastaldy, bul eldiń ortalyq jáne batys óńirleri arasyndaǵy marshrýtty 560 shaqyrymǵa qysqartýǵa múmkindik beredi.
Sonymen qatar avıasııa salasynyń damýy da atap ótildi. Elimizdiń túgeldeı derlik áýejaıynda «áýe erkindiginiń» besinshi dárejesi bar. Týrızmdi damytý maqsatynda Katonqaraǵaı, Zaısan jáne Kendirli kýrorttyq aımaqtarynda jańa áýejaılar salynýda. Almaty, Qyzylorda jáne Shymkent qalalarynda jańa jolaýshylar termınaldary ashyldy. Arqalyq áýejaıyn qalpyna keltirý jumystary júrgizilip jatyr.
Premer-mınıstr Qazaqstannyń kólik salasy tutastaı alǵanda jańa sıfrlyq sheshimderdi, onyń ishinde basqarýdyń avtomattandyrylǵan júıelerin, sıfrlyq dıspetcherlendirýdi engizý nátıjesinde barǵan saıyn tehnologııalyq jáne klıentke baǵdarlanǵan sıpatqa ıe bop kele jatqanan atap ótti.
Oljas Bektenov Prezıdent atynan eńbegimen kózge túsken qyzmetkerlerge kólik salasyn damytýǵa qosqan úlesi úshin memlekettik nagradalar men qurmetti ataqtar tabys etti.
«Bıyl Jumysshy mamandyqtary jyly aıasynda memlekettik marapattar júıesine alǵash ret “Qazaqstannyń kólik salasynyń eńbek sińirgen qaıratkeri” degen qurmetti ataǵy engizildi. Muny Memleket basshysynyń jáne búkil Qazaq eliniń ózderińiz sııaqty naǵyz eńbek adamdaryna degen shynaıy qurmeti dep qabyldańyzdar. Búgin elimizdiń basqa da óńirlerinde kólik salasynyń óndiris ozattary men eńbek ardagerlerin ulyqtaý rásimi ótip jatyr. Respýblıka boıynsha 200-ge jýyq adamǵa memlekettik nagradalar men qurmetti ataqtar tabystalady. Bul – el ıgiligi jolynda eseli eńbek etip jatqan otandyq kólik salasy qyzmetkerlerin qoldaýdyń aıqyn kórinisi», dedi Oljas Bektenov.
Marapattalǵandar atynan Qanat Shaımın men Ánýarbek Shulǵaýov sóz sóıledi. Kólik salasynyń qyzmetkerleri Prezıdentke rızashylyqtaryn bildirip, olardyń eńbegine berilgen joǵary baǵa Qazaqstan ıgiligi úshin ári qaraı da adal jumys isteýge yntalandyratynyn atap ótti.
«Memleket basshysyna bizdiń eńbegimizdi moıyndaǵany jáne qurmet kórsetkeni úshin shyn júrekten alǵys aıtamyz. El ıgiligi úshin qajymaı eńbek etý – bizdiń azamattyq boryshymyz. Bul marapat – biz úshin úlken qýanysh. Odan ári de adal qyzmet etýge jańasha jiger men shabyt beredi. Eńbegimiz halyq ıgiligine jarasyn», dedi «Qazaqstan temir joly» UK» AQ «Býrabaı kýrorty rels dánekerleý kásiporny» fılıalynyń dırektory Ánýarbek Shulǵaýov.
Marapattalǵandar:
«Parasat» ordenimen
-
Aıdar Bekov – «Jańa-Arqa – 2006» JShS dırektory
-
Aǵabek Áıdenov – «Halyqaralyq Almaty áýejaıy» AQ santehnıkalyq júıeleriniń ınjeneri
«Qazaqstannyń kólik salasynyń eńbek sińirgen qaıratkeri» qurmetti ataǵymen
-
Qanat Shaımın – «QazAvtoJolservıs» JShS bas dırektorynyń keńesshisi
«Qurmet» ordenimen
-
Talǵat Lastaev – QR kólik vıse-mınıstri
-
Gúlnár Bólekbaeva – «Qazaqstan temir joly» UK» AQ «Magıstraldyq jeli dıreksııasy» fılıaly Jol jáne qurylystar departamentiniń bas menedjeri
-
Nurdáýlet Baıǵazıev – «QTJ-Júk tasymaly» JShS «Shymkent júk tasymaly bólimshesi» fılıalynyń dırektory
-
Aıdar Orjanov – «Qazaqteńizkólikfloty» ulttyq teńiz keme qatynasy kompanııasynyń» JShS bas dırektory
-
Násipbaı Smaǵulov – «ABI-Astana» JShS dırektory
-
Oleg Chekanov – «SCAT» áýekompanııasy» Shymkent qalasyndaǵy áýe kemelerine tehnıkalyq qyzmet kórsetý jelilik stansasynyń bastyǵy
-
Nurbol Abyzbaev – «QazAvtoJolservıs» JShS Túrkistan oblystyq fılıalynyń dırektory
-
Talǵat Bekbergenov – «QazAvtoJolservıs» JShS Qaraǵandy oblystyq fılıalynyń Qarqaraly qalasy №72 jol paıdalaný beketiniń jol jumysshysy
«Eren eńbegi úshin» medalimen
-
Evgenıı Alshanskıı – «Qazaqstan temir joly» UK» AQ «Pavlodar magıstraldyq jeli bólimshesi» fılıaly Pavlodar sıgnalızasııa jáne baılanys dıstansııasynyń elektromehanıgi
-
Arǵynqazy Seıitjan – «QTJ-Júk tasymaly» JShS «Qaraǵandy júk tasymaly bólimshesi» fılıalynyń Qaraǵandy paıdalaný lokomotıv deposynyń júk qozǵalysynyń elektrovoz mashınısi
-
Muhtar Ydyrysov – «QTJ-Júk tasymaly» JShS «Almaty júk tasymaly bólimshesi» fılıalynyń Aqtoǵaı lokomotıv paıdalaný deposynyń teplovoz mashınısi
-
Aınur Salmenova – «Kaspıı Avto Park» JShS bas dıspetcheri
-
Iýrıı Olenev – «FlyArystan» AQ-nyń Qaraǵandy qalasyndaǵy áýejaıda qyzmet kórsetý jónindegi menedjeri
-
Vasılıı Ýstımenko – «О́skemen áýejaıy» AQ Jedel medısınalyq kómekke, áýeaılaqqa qyzmet kórsetý jáne sharýashylyqpen qamtý jónindegi keshendi kolonnasynyń traktorly tehnıka mashınısi
-
Aleksandr Ershov – «Air Astana» AQ-nyń Áýe kemelerine jedel tehnıkalyq qyzmet kórsetý jónindegi aǵa ınjeneri (Almaty qalasy)
-
Igor Karlın – «Halyqaralyq Almaty áýejaıy» AQ jylytý, jeldetý jáne aýany baptaý júıesiniń jetekshi ınjeneri
-
Jumabaı Qultanov – avtojol salasynyń ardageri, «QazAvtoJolservıs» JShS Qyzylorda oblystyq fılıalynyń №51 jol paıdalaný beketiniń jol jumysshysy
-
Janat Júsipov – «QazAvtoJolservıs» JShS Kókshetaý qalasy fılılalynyń №5 jol-paıdalaný ýchaskesiniń basshysy
-
Erjan Baıjan – «QazAvtoJolservıs» JShS Qaraǵandy oblystyq fılıalynyń Aqsý-Aıýly kentindegi №77 jol-paıdalaný ýchaskesiniń tańbalaý avtokóliginiń operatory
-
Ánýarbek Shulǵaýov – «Qazaqstan temir joly» UK» AQ «Býrabaı kýrorty rels dánekerleý kásiporny» fılıalynyń dırektory
-
Asqar Shokýlbaev – «Qazaqstan temir joly» UK» AQ «Temir jol kóligi personalyn baǵalaý jáne damytý ortalyǵynyń» óndiristik oqytý sheberi
-
Iýrıı Kashkarov – «Qazaqstan temir joly» UK» AQ «Jol dıagnostıkalyq ortalyǵy» Astana fılıalynyń №70156 (118) mobıldi-dıagnostıkalyq kesheniniń qadaǵalaý-ólsheý vagondarynyń baptaýshysy.
