Qyzylordada erlik pen eldiktiń saltanaty ótti (foto)

QYZYLORDA. 7 mamyr. Qalada «Uly Jeńis – máńgi el jadynda» atty úlken is-shara ótti. Bul týraly egemen.kz tilshisi habarlady. Aty aıtyp turǵandaı, bul 7 mamyr – Otan qorǵaýshylar kúni jáne 9 mamyr – Uly Jeńistiń 70 jyldyǵyna arnalǵan merekelik saltanat edi. Bıyl Jeńis týynyń jelbiregenine 70 jyl tolyp otyr. Osy bir surapyl soǵysta qanshama bozdaq maıdan dalasynda qaldy. Atalǵan shara soǵystan oralmaǵan jaýyngerlerge taǵzym etilip, Otan úshin ot keshken ardagerlerdi eske alyp, aramyzdaǵy kózi tiri maıdangerlerdi ulyqtap, jas jetkinshekterge erlikti dáripteıtin taǵylymdy sıpatta ótti. «Bul dúnıede bizdiń jalǵyz Otanymyz bar. Ol Táýelsiz Qazaqstan. Otanymyzdy qorǵaý qasıetti mindet, úlken mártebe»,– degen edi Elbasy. Tarıhqa kóz júgitsek, el úshin janyn aıamaǵan, keýdesin oqqa tosqan batyrǵa kende emespiz. Keshegi qan maıdanda bizdiń atalarymyz eldi qorǵap, jaýdan azat etip qaldy. Jeńistiń jetpis jyldyǵyna kýá bolyp otyrǵan qarttarymyz aman bolsyn. Al Otan qorǵaýshy beıbit kúnniń ulandary Táýelsizdikti tuǵyrlandyrýda qyzmet eteıik», dedi oblys ákimi Qyrymbek Kósherbaev. Sondaı-aq, aımaq basshysy Uly Otan soǵysy ardagerlerine «Qurmet» ordeni, «Eren eńbegi úshin» medalimen, QR Qurmet gramotasy sekildi memlekettik nagradalardy tabystady. 1418 kún, 34 saǵatqa sozylǵan qan maıdannyń qasiretin umytý múmkin emes. Erliktiń eren úlgisin kórsetken batyrlardy dáripteý jalǵasa beredi. О́kinishtisi, qart maıdangerlerdiń qatary kún ótken saıyn serep barady. Soǵys dalasynan Syr óńirine 35 myń jaýynger aman oralsa, búginde sonyń 89-nyń ǵana kózi tiri. Merekelik sharada Otan qorǵaýshylarǵa da qurmet kórsetildi. О́nerpazdar túrli qoıylymdar qoıyp, ánnen shashý shashty. Sonymen qatar ortalyq alańda sarbazdardyń qoıan-qoltyq urys kórinisterin kórsetti. Munan soń oblys turǵyndary led ekran arqyly Astanadaǵy merekelik sherýdi tamashalady. Erjan Baıtiles. Derek, sýret: egemen.kz