Ashyq aspan astyndaǵy kınoteatrdyń kezekti kúninde belgili akter, tanymal rejısser Doshan Joljaqsynov pen jazýshy, kınossenarıst Talasbek Ásemqulovtyń «Qunanbaı» kórkem fılmi kórsetildi.
Alǵash 1945 jyly hakim Abaıdyń 100 jyldyǵynda Almaty kórkem jáne hronologııalyq fılmder stýdııasy «Abaı ánderi» fılmin túsirgen edi. Bul týyndyny sol kezdegi Odaqqa tanymal rejısserler – Grıgorıı Roshal men Efım Aron jaryqqa ákelgen. Ssenarııin zańǵar jazýshy Muhtar Áýezov jazǵan. Fılmde basty keıipkerdi ataqty akter Qalıbek Qýanyshbaev somdasa, basqa rólderdi Qapan Badyrov, Serke Qojamqulov, Elýbaı О́mirzaqov, Sháken Aımanov, Jaǵda О́gizbaev sekildi óner maıtalmandary oınady. Al 1995 jyly Abaı Qunanbaevtyń 150 jyldyǵy aıasynda Muhtar Áýezovtiń «Abaı joly» roman-epopeıasy jelisimen rejısser Ardaq Ámirqulov eki serııaly «Abaı» kórkem fılmin túsirdi. Basty rólderde T.Jamanqulov, Ǵ.Turyqbaev oınaǵan.
«Is-sharanyń maqsaty – uly oıshyldyń rýhanı murasyn keńinen nasıhattaý, kórermenge Abaı shyǵarmashylyǵyn zamanaýı tásilmen, ıaǵnı ekran arqyly qaıta tanytý. Onkúndik aıasynda Abaı rýhyn sezdirý», deıdi uıymdastyrýshylar.
Kıno kórsetilimniń onkúndik kestesine sáıkes, 2-7 tamyz – «Abaı joly» telehıkaıasy kórsetilse, 8 tamyz – «Kókserek» kórkem fılmi, 9 tamyz – «Abaıdyń sońǵy kúnderi» derekti fılmi, 10 tamyz – «Abaı ánderi» mýzykalyq fılmi kórsetiledi. Barlyq kıno ashyq alańda kórsetilip, kórermenge tegin usynylyp jatyr.
Abaı oblysy
