Plenarlyq otyrysta sóz sóılegen Roman Sklıar Úkimetaralyq komıssııa Qazaqstan men Tájikstannyń ózara is-qımylynyń mańyzdy quralyna aınalǵanyn, onyń kún tártibinde ekijaqty qatynastardy odan ári tereńdetýdiń, joǵary deńgeıde qol jetkizilgen ýaǵdalastyqtardy júzege asyrýdyń, sondaı-aq ınvestısııalyq áleýet pen óńiraralyq baılanystardy keńeıtýdiń mańyzdy máseleleri bar ekenine toqtaldy.
О́z kezeginde Hokım Holıkzoda bundaı mańyzdy jıyn saýda-ekonomıkalyq, mádenı-gýmanıtarlyq salalarda qarqyndy damyp kele jatqan, ekijaqty qatynastardyń damýyna jańa serpin beretinin aıtty. Sonymen qatar otyrysta saýda, ónerkásiptik kooperasııa, aýyl sharýashylyǵy, sondaı-aq kólik pen logıstıka salasyndaǵy ózara is-qımyldy damytý perspektıvalaryna erekshe nazar aýdaryldy.
Roman Sklıar komıssııanyń jumysy, eń aldymen, aldaǵy joǵary deńgeıde ótetin kezdesýlerdi muqııat daıyndaýǵa baǵyttalýǵa tıis ekenine aıryqsha kóńil bóldi. Taraptar qabyldanǵan sheshimder ózara is-qımyldyń barlyq baǵyttary boıynsha ekijaqty qatynastardy odan ári nyǵaıtýǵa jáne tereńdetýge yqpal etetinine senim bildirdi. Otyrystyń qorytyndysy boıynsha tıisti hattamaǵa qol qoıyldy.
Ekonomıkalyq yntymaqtastyq jónindegi Úkimetaralyq komıssııanyń kezekti 20-otyrysy keler jyly Tájikstanda ótedi.
