Parlamentaralyq yntymaqtastyqtyń jańa belesi

Kólik, sıfrlandyrý, ǵylym men bilim berý salalaryndaǵy ózara is-qımylǵa, sondaı-aq týrızm men mádenı baılanystardy nyǵaıtýǵa da erekshe nazar aýdaryldy.

Vıse-spıker Jaqyp Asanov alǵy­sózinde Tájikstannyń jaqyn ári senimdi seriktes retin­degi erekshe rólin atap ótti. Depý­tattyń aıtýynsha, eki halyqty tereń tarıhı jáne mádenı ortaq qundylyq baılanystyrady.

«Tájikstan bizge tek mańyzdy strategııalyq áriptes emes, sonymen qatar óte jaqyn memleket jáne senimdi odaqtas. Eki halqymyzdy ǵasyrlar qoınaýynan bastaý alatyn dostyq, ortaq mádenıet pen rýhanı qundylyqtar biriktiredi. Elderimiz arasynda barlyq deńgeıde tyǵyz saıası baılanys ornaǵan, ekonomıkalyq yntymaqtastyq belsendi damyp keledi, mádenı-gýmanıtarlyq qarym-qatynastar da nyǵaıyp keledi. Memleket basshylary belgilegen tyǵyz ózara is-qımyl­dyń joǵary deńgeıi, sózsiz, Qazaqstan men Tájikstan­nyń zań shyǵarý organdary arasyndaǵy qatynastar arqyly da saqtalýǵa tıis», dedi J.Asanov.

Al tájik tarapy parla­ment­aralyq dıalogti ekijaq­ty qatynastardy damytýdaǵy mańyz­dy qural retinde atap ótti. Madjlısı Mıllı Madj­lısı Olı tóraǵasynyń birinshi orynba­sary Ahmadzoda Radjab eki el arasyndaǵy ózara qurmet­ke, senimge jáne óńirlik turaq­ty­­lyq pen tatý kórshilik qaǵı­­dat­­taryna negizdelgen yntymaq­tastyqtyń ornyqty serpinin erekshe atady.

Jıynda 2025–2027 jyldarǵa arnalǵan parlamentaralyq ózara is-qımyldyń jańa «Jol kar­tasy» usynyldy. Bul qujat eki el arasyndaǵy yntymaq­tas­tyq­ty tereńdetýge baǵyt­talǵan naqty is-sharalardy qam­typ, zań shyǵarýshy organ­dar deń­geıinde ornyqty baılanys­tar­dyń odan ári damýyna septigin tıgizedi.