Ortalyq eki kún boıy «Abaı álemi» atty mazmundy mádenı is-sharalar alańyna aınaldy. Kópshilik nazaryna shyǵarmashylyq qoıylym men poezııalyq keshter usynyldy. Aýqymdy jobanyń biri – Rýbık tekshelerinen quralǵan alyp portret boldy. Bıiktigi 3 metr, eni 2 metr biregeı týyndyny spıdkýber jastar nebári 5 saǵat ishinde jınap shyqty.
«Biz tek kórneki ınstallıasııa emes, tereń maǵynasy bar art-obekt jasaýdy kózdedik. Rýbık tekshesi – logıka men shyǵarmashylyqty toǵystyratyn óner. Osy arqyly kórermenge ulttyq bolmysty zamanaýı tásilmen jetkizgimiz keldi», dedi jobanyń bastamashysy Álıhan Ertursyn.
Kórkem týyndyny oıyn-saýyq ortalyǵyna kelgen myńdaǵan adam tamashalap, jastardyń kreatıvti oılaý qabileti men ónerine oń baǵasyn berdi. Installıasııa tek shyǵarmashylyqty emes, ulttyq muraǵa degen qurmetti de aıqyn kórsetti. Abaı jáne onyń myń salaly shyǵarmashylyǵy urpaqpen qaıta jańǵyryp, jalǵasyn osylaı taýyp jatyr.
Uıymdastyrýshylardyń aıtýynsha da, bul – Abaı murasyn jańasha qyrynan tanytýǵa jasalǵan tyń qadam. Maqsat – shyǵarmashylyqty damytý, ulttyq sana men eldik bolmysty jastardyń tereńirek uǵynýyna sebepker bolý. Jastardyń bul izgi oıynyń oryndalǵanyna myń-san kórermen kýá.
