О́ńir basshysy qala basshysyna qoqys shyǵaratyn mekemelerdiń jumysyn turaqty úılestirý qajettigin eskertti. Turǵyndarmen kezdesken E. Qarashókeev jergilikti azamattardy «Taza Qazaqstan» aksııasyna belsendilikpen qatysyp, aýlalardy taza ustaýǵa shaqyrdy.
Keıinnen óńir basshysy «M-1» jylý jelisin qaıta jańǵyrtý jobasynyń iske asyrylý barysyn zerdelep, uıymǵa qurylys jumysyn merziminde aıaqtaýdy tapsyrdy.
Budan soń oblys ákimi Abaı dańǵyly boıynda salynyp jatqan kópir qurylysynyń jumysymen tanysty. Ilkimdi joba oblys ortalyǵyndaǵy kólik qozǵalysyn ońtaılandyrýǵa jáne jol-kólik ınfraqurylymyn jaqsartýǵa baǵyttalǵan mańyzdy nysan ekenin atap ótti. Qazirgi kezde alyp kópir qurylysy josparǵa saı júrgizilip jatyr. Mundaǵy jumys 15 aı merzimdi aıaqtalýy tıis.
Aımaq basshysy Taraz qalasy Jibek joly aýdany aýmaǵyna qosylǵan Túrkisib alqabyn aralaý barysynda oblys ortalyǵyna engen 14 eldi mekende sheshimin tappaǵan máselelerdiń áli de bar ekenin atap ótti. Sondyqtan turǵyndarǵa bul túıtkilderdiń bıýdjet múmkindikterine qaraı kezeń-kezeńimen sheshiletinin túsindirý qajettigin eskertti. Sonymen birge Qoıgeldi (1,337 km), Komratov (1,468 km) jáne Lermontov (1,421 km) kóshelerin ortasha jóndeý jumystarymen tanysty.
Bul kúni oblys ákimi Taraz qalasynda aǵyn sýdan zardap shekken úılerdi aralap, turǵyndarmen tildesti. Eske sala keteıik, 7 tamyz kúni, saǵat 20:35 shamasynda, «Zerbulaq» kólinde belgisiz tulaǵalardyń shlıýzderdi ashýy saldarynan sýarmaly arnaǵa kóp mólsherde aǵyn sý kelgeni anyqtaldy. Nátıjesinde Dostoevskıı burylysy, Jýanyshev kóshesi, Ulbıke aqyn kóshesi men 1-burylysy, Nıetqalıev pen Bóltirik sheshen kóshelerinde ornalasqan 30 turǵyn úıdiń aýlasyn, sondaı-aq 2 jertóleni sý basqan. Turǵyn úılerdiń ishine sý kirgeni týraly derekter tirkelgen joq.
Oqıǵa ornyna dereý 25 adam, 12 arnaıy tehnıka men kólik jumyldyryldy. Áýeli shlıýzder jabylyp, keıin sý aǵyny toqtatyldy. Erbol Qarashókeev Taraz qalasy ákimine bul máseleni tolyq zerdeleýdi, zardaptardy joıý boıynsha naqty jáne jedel sharalar qabyldaýdy tapsyrdy.
Jambyl oblysy.
