Foto: gov.kz
«Baǵa retteý salasynda áleýmettik mańyzy bar azyq-túlik taýarlaryna shekti baǵalardy alyp tastaý kózdelip otyr. Onyń ornyna saýda ústemesine baqylaý kúsheıtiledi jáne ataýly áleýmettik kómek aıasyndaǵy qoldaý sharalary keńeıtiledi. Osyǵan baılanysty tıisti zańnamalyq ózgerister 2026 jylǵy 1 qańtardan bastap kúshine enedi», deıdi mınıstr.
Serik Jumanǵarınniń aıtýynsha, qazirgi ýaqytta «Sıfrlyq azyq-túlik vaýcheri» servısi pılottyq rejımde synaqtan ótkizilip jatyr. Bul júıe arqyly ataýly áleýmettik kómek (AÁK) alýshylar ÁMAT-ty ústemesiz, ıaǵnı satyp alý baǵasymen satyp ala alady.
Sonymen qatar, shilde aıynda bırjalyq saýda máseleleri jónindegi zań kúshine endi. Zańnyń maqsaty – saýda ashyqtyǵyn qamtamasyz etip, ádil baǵa qalyptastyrýǵa jaǵdaı jasaý. Qujat aıasynda «áleýmettik mańyzy bar bırjalyq taýar» degen jańa uǵym engizildi. Oǵan munaı ónimderi, kómir, qant jáne basqa da mańyzdy taýarlar jatady. Jumanǵarınniń aıtýynsha, bul baǵa monıtorıngin kúsheıtip, taýar aǵynyn tıimdi baqylaýǵa múmkindik beredi.
