Is-shara qonaqtarynyń arasynda – alyp qýyrshaq Tazabek te bar. Ol qala turǵyndaryn tazalyqty saqtaýǵa shaqyryp, ekologııalyq aksııany nasıhattap júr.
«Taza Qazaqstan» aksııasynyń sımvolyna aınalǵan Tazabek sporttyq dodada naǵyz juldyz boldy – astanalyqtar ony qushaqtap, sýretke túsip, bastamany erekshe yqylaspen qoldady.
Pákistan, Birikken Arab Ámirlikteri, Týnıs, Reseı, Italııa, Túrkııa, Marokko, Moldova, Úndistan, Qyrǵyzstan, Mońǵolııa, Qytaı, Brazılııa, Taıland, О́zbekstan, Tájikstan, Kamerýn, Gana, Efıopııa, Venesýela jáne Iran elderinen kelgen qonaqtar da Tazabekti ystyq yqylaspen qarsy aldy.
Ekologııalyq keıipker buǵan deıin de Astanada ótken iri jıyndarǵa belsene qatysqan. Tazabektiń basty maqsaty – qoǵamdyq oryndarda tazalyqty saqtaý jáne ekoaksııany keńinen nasıhattaý.
