Memleket basshysy Qasym-Jomart Toqaevtyń tapsyrmasyna sáıkes «Keleshek mektepteri» ulttyq jobasyn júzege asyrýda Semeı qalasynyń Vodnyı kentinde №52 jalpy orta bilim beretin jańa mektep 2025–2026 oqý jyly aıasynda ashylady. Bul joba boıynsha Abaı oblysyndaǵy úshinshi, al Semeı qalasyndaǵy ekinshi mektep.
Atalǵan Ashyq esik kúnine 100-ge jýyq ata-ana, 60-tan astam oqýshy jáne mektep muǵalimderi qatysty. Ata-analar mekteptiń sport jáne májilis zaly, ashana, horeografııa zaly, bastaýysh pen arnaıy pán kabınetterin aralap kórdi. Jıynnyń ashylý saltanatynda №52 jalpy orta bilim beretin mektep dırektorynyń mindetin atqarýshy Tilek Sapyshev mekteptiń ereksheligi týraly aıtty.
– Vodnyı kentinde «Keleshek mektepteri» bastamasymen arnaıy Ashyq esik kúni uıymdastyryldy. Bul bilim ordasy «Keleshek mektepteri» ulttyq jobasy aıasynda 600 oqýshyǵa arnalyp salynǵan. Endi bizdiń balalarymyz jaıly da keń ǵımaratta ǵana emes, eń ozyq tehnologııalarmen jabdyqtalǵan, zaman talabyna saı ortada bilim alatyn bolady. Mektebimizdiń ereksheligi mol. Máselen, bastaýysh jáne orta býyn synyptarynyń jeke blokterde ornalasady. Bul bastaýysh synyp oqýshylarynyń qaýipsizdigin arttyryp, olarǵa óz jasyna saı tynysh ári yńǵaıly ortada bilim alýǵa múmkindik beredi. Orta býyn oqýshylary da óz kezeginde erkin ári tıimdi oqý úderisine beıimdele alady, – dedi ol.
Tilek Otanulynyń aıtýynsha, mektep 600 oqýshyǵa arnalǵan. Mektep aýmaǵynda jáne ǵımarat ishinde kózi nashar kóretin oqýshylardyń qozǵalysyna yńǵaıly bolý úshin taktıldi joldar, barlyq qabatqa yńǵaıly shyǵýǵa jedelsaty ornatylǵan. Negizgi pánder boıynsha 24 kabınet, 2 ınformatıka kabıneti, robottehnıka kabıneti, baǵdarlamalyq jasaqtamasy bar 30 ınteraktıvti panel, 3 pándik kabınetter (1 hımııa, 1 fızıka, 1 bıologııa), tokarlyq jáne metall óńdeý sehy, aspazdyq bólme, tigin bólmesi, 166 oryndyq májilis zaly, 177 oryndyq ashana, oqý zaly, jabyq kitaphana qory bar. Sondaı-aq STEM-zerthanalar, horeografııa zaly, kovorkıng alańdary, kólemi 36h18 m bolatyn úlken sport zaly, bastaýysh synyptar úshin kólemi 9h18 m shaǵyn sport, oıyn zaly jáne mektep alańynda fýtbol, voleıbol, basketbol, júgirýge arnalǵan 0,6 ga sport alańy bar. Zamanaýı pándik kabınetter, alǵashqy áskerı daıyndyq úshin arnaıy ashyq alańdar qarastyrylǵan. Mektep zamanaýı jıhazdarmen jáne oqý qural-jabdyqtarymen jabdyqtalyp, árbir oqý kabıneti úshin qajetti tehnıkalyq quraldar jıyntyǵy qamtamasyz etilgen. Mektepte órtke qarsy qaýipsizdik júıesi jumys isteıdi.
Ashyq esik kúnine jınalǵan ata-analar men oqýshylar jańa mekteptegi jaılylyqty kórgen olardyń qýanyshynda shek joq.
Mektep bıylǵy 1 qyrkúıek – Bilim kúni saltanatty túrde ashylyp, alǵashqy qońyraýyn soqpaq.
SEMEI
