Saıasat • 15 Tamyz, 2025

Tramp pen Pýtınniń kezdesý kestesi jarııalandy

110 ret

kórsetildi

1 mın

oqý úshin

Aq úıdiń málimetinshe, AQSh prezıdenti Donald Tramp pen Reseı basshysy Vladımır Pýtın 15 tamyz kúni Alıaskada júzdesedi. BAQ-ta jarııalanǵan kestege sáıkes, kezdesý jergilikti ýaqytpen saǵat 11:00-de (Astana ýaqytymen 00:00) bastalady. Bul – Reseıdiń Ýkraınaǵa keń aýqymdy shabýylynan keıingi eki el kóshbasshylarynyń alǵashqy betpe-bet kezdesýi bolmaq, dep jazady Egemen.kz.

Abzal MAQASh

Tramp pen Pýtınniń kezdesý kestesi jarııalandy

Foto: jasandy ıntellekt

Sammıt Ankorıdj qalasyndaǵy Elmendorf-Rıchardson áskerı-áýe bazasynda ótedi. Reseı prezıdentiniń kómekshisi Iýrıı Ýshakovtyń habarlaýynsha, kelissózder aldymen aýdarmashylardyń kómegimen ekijaqty formatta bastalyp, keıin delegasııalar quramynda jalǵasady. Odan soń jumys tańǵy asy josparlanǵan.

Reseı delegasııasynda syrtqy ister mınıstri Sergeı Lavrov, qorǵanys mınıstri Andreı Beloýsov, qarjy mınıstri Anton Sılýanov, prezıdent kómekshisi Iýrıı Ýshakov jáne sheteldik ınvestısııalar men ekonomıkalyq yntymaqtastyq jónindegi arnaıy ókil Kırıll Dmıtrıev bar.

Kezdesý qorytyndysynda eki prezıdent birlesken baspasóz máslıhatyn ótkizedi. Negizgi talqylaý taqyryby – Ýkraınadaǵy jaǵdaıdy retteý. Bul rette 6 tamyzda Kremlde AQSh arnaıy ókili Stıven Ýıtkoff qatysqan kelissózder nátıjesi de eskerilmek.

Sonymen qatar, taraptar beıbitshilik pen qaýipsizdikti nyǵaıtý, ekijaqty ózara is-qımyl jáne saýda-ekonomıkalyq yntymaqtastyq máselelerin qarastyrýy múmkin.