Baıqaýǵa Qazaqstan, Armenııa, Bolgarııa, Qyrǵyzstan, Belarýs, Ýkraına elderiniń mádenıet jáne óner qaıratkerleri tórelik etedi. Qazylar alqasynyń tóraǵasy – Qazaqstannyń eńbek sińirgen qaıratkeri, kompozıtor, ánshi Jeńis Seıdollauly.
Baıqaýdyń ashylý saltanatynda quttyqtaý sóz sóılep, úmitkerlerge aq jol tilegen ánshi: Jıyrma jyldyq tarıhy bar «Altyn mıkrofon» halyqaralyq baıqaýy – búginde Qostanaı óńiriniń ǵana emes, ónerge talaby bar barsha qazaq eliniń daryndy jastaryna dańǵyl jol ashatyn biregeı joba» dedi.
Uıymdastyrýshylardyń aıtýynsha, án baıqaýynyń júldegerleri arnaıy dıplomdarmen jáne aqshalaı syılyqtarmen marapattalady.
Bas júldege ıe bolǵan ánshi Qazaqstanda, sondaı-aq Eýropa men Azııa elderinde ótetin dástúrli halyqaralyq baıqaýlardyń birine joldama alady.
Qostanaı oblysy
