Foto: Qorǵanys mınıstrligi
Jańa qurylym Qarýly kúshterdiń sıfrlyq transformasııasynyń negizgi elementi bolmaq. Bólimsheniń negizgi mindeti – derekterdiń úlken massıvterin taldaý, basqarýdy avtomattandyrý, jedel ssenarıılerdi modeldeý jáne qazirgi áskerı jaǵdaıda basqarý sheshimderin qabyldaý jyldamdyǵyn arttyrý úshin jasandy ıntelekt sheshimderin ázirleý jáne engizý.
Qorǵanys mınıstri avıasııa general-leıtenanty Dáýren Qosanov jasandy ıntellekt tehnologııalaryn armııa qyzmetine ıntegrasııalaý jańǵyrtý jolyndaǵy mańyzdy qadam bolyp tabylatynyn jáne qorǵanys salasyndaǵy álemdik úrdisterge sáıkes keletinin atap ótti.
Bólimshe otandyq jáne halyqaralyq ǵylymı-zertteý ortalyqtarymen, jetekshi ýnıversıtettermen jáne beıindi IT-kompanııalarmen ózara is-qımyl jasaıtyn bolady. Bul tásil qorǵanys salasyna ozyq ázirlemelerdi engizip qana qoımaı, jasandy ıntellektti áskerı qoldanýdyń ulttyq mektebin qalyptastyrýǵa múmkindik beredi.
Jasandy ıntellektti engizý jónindegi bólimsheni qurý kadrlyq áleýetti damytýǵa baǵyttalǵan.
Osyǵan sáıkes, qazirgi zamanǵy algorıtmdermen jáne júıelermen jumys isteýge qabiletti ofıser-taldaýshylar men sıfrlyq tehnologııalar salasyndaǵy mamandardy daıarlaý josparlanyp jatyr.
Osylaısha, Qorǵanys mınıstrligi jasandy ıntellekt ulttyq qorǵanystyń tıimdiligin, qaýipsizdigin jáne táýelsizdigin arttyrý quraly bolatyn jańa basqarý arhıtektýrasyn qalyptastyrýǵa strategııalyq qadam jasaıdy.
