Sýret: open-almaty.kz
Byltyr múgedektigi bar adamdar ınvataksı qyzmetin 207,2 myń ret paıdalanǵan. Invataksı qyzmetin kórsetý jyldamdyǵy men sapasyn arttyrý maqsatynda Eńbek jáne halyqty áleýmettik qorǵaý mınıstrligi jergilikti ákimdiktermen birlesip, osy qyzmetke ózgeris engizdi. Mysaly, azamattarǵa qyzmet alýdan bir kún buryn telefon arqyly jazylý qajet, bul óz saparlaryn aldyn ala josparlaýǵa, ınvataksıge tapsyrys berýdi kútýge májbúr etedi, ınvataksı qyzmetterin usynýda kólik sanynyń azdyǵy syndy másele de týyndaıdy. Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý maqsatynda qanatqaqty joba qolǵa alyndy.
Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. Iаndeks kompanııasy qanatqaqty jobaǵa óteýsiz negizde qatysýǵa nıet bildirdi.
Joba sheńberinde azamattar Iаndeks Go mobıldi qosymshasy arqyly ınvataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejimde tapsyrys mártebesin qadaǵalap, ári saparlarǵa monıtorıng júrgizýge múmkindik beredi. Qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. О́z kezeginde, júrgizýshiler adamdy kólikke otyrǵyzyp, mejeli jerge jetken soń túsirýde qalaı kómek kórsetý qajettigin arnaıy nusqaýlardan bile alady.
Bıyl joba Astana men Almaty qalalarynan múgedektigi bar adamdar qatarynan fokýs-toptyń qatysýymen qanatqaqty rejimde iske asyp jatyr. Mınıstrlik keleshekte basqa óńirlerde de ıgi jobany iske qosýdy kózdep otyr.
