Foto: Úkimet, telegram
Ol mınıstrlik temirjol salasyn sıfrlandyrýdyń bes baǵytyn iske asyrýda ekenin atap ótti. Birinshisi – memlekettik qyzmetterdi elektrondyq formatqa kóshirý. Ekinshisi – tasymaldardyń ashyqtyǵy men tıimdiligin arttyrý úshin bıznes-prosesterdi reınjınırıngteý. Úshinshisi – ınnovasııalyq ekojúıe qurý jáne sıfrlyq tehnologııalardy engizý. Tórtinshisi – jolaýshylardy OneWeb jáne Starlink spýtnıktik ınternetimen qamtamasyz etý. Besinshisi – tranzıttik tasymaldardy onlaın baqylaý júıesin engizý.
«2024 jyly salada 5 memlekettik qyzmet qoljetimdi boldy. Olardyń barlyǵy elektrondyq formatta kórsetildi. Bıyl Tizilim «Qaýipsizdik sertıfıkatyn berý» atty jańa qyzmet túrimen tolyqtyryldy. Bir jyl ishinde 28 myńnan astam memlekettik qyzmet kórsetildi. Onyń 99%-y onlaın formatta usynylǵan», dedi Jaslan Mádıev.
Jıynda sıfrlyq tehnologııalardy engizý tasymaldyń tıimdiligin arttyratyny atalyp ótti. Salaǵa kelesideı sıfrlyq sheshimder engizilip jatyr. Olar – magıstraldyq jeliniń sıfrlyq qosarlanǵan modelin jasaý, tasymaldardy josparlaý úshin jasandy ıntellekt engizý, vagon nómirlerin beıne arqyly taný jáne «Vagon/júk ornyn anyqtaý» qyzmetin qosý, kelý/ketý deregin anyqtaý úshin GPS-trekerlerden derekterdi avtomatty túrde qabyldaý júıesine jiberý, vagon nómirin tirkeý arqyly toqtap turý ýaqytyn avtomatty esepteý. Atalǵan sheshimder jumys satylaryn 45%-ǵa, al bıznes-rólderdi 35%-ǵa qysqartady. Basqarý ońaı ári ashyq bolady.
