Orta eseppen 856,2 myń otbasy, onyń ishinde: kópbalaly 613,4 myń otbasyǵa– 308,9 mlrd, al 45,6 mlrd teńge kúmis, altyn alqaly 242,8 myń batyr anaǵa berildi.
Shilde aıynda ıaǵnı bir aıda áleýmettik járdemaqylarmen jalpy somasy 49,7 mlrd teńge mólsherinde 846,1 myń otbasy, onyń ishinde: kópbalaly otbasylarǵa beriletin járdemaqymen (43,1 mlrd teńge) 601,2 myń otbasy; nagradtalǵan analarǵa beriletin járdemaqymen 6,6 mlrd teńge somasyna 244,9 myń adam qamtyldy.
Kópbalaly otbasyǵa beriletin memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Bıylǵy esepteý boıynsha 4 balasy bar otbasylarǵa – 16,03 AEK nemese 63 030 teńge; 5 balaǵa – 20,04 AEK nemese 78 798 teńge; 6 balaǵa – 24,05 AEK nemese 94 565 teńge; 7 balaǵa – 28,06 AEK nemese 110 332 teńge; 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde járdemaqy beriledi.
Nagradtalǵan anaǵa beriletin járdemaqy «Altyn alqa», «Kúmis alqa» nemese buryn «Batyr ana» ataǵyn alǵan, I jáne II dárejeli «Ana dańqy» ordenderi berilgen batyr analarǵa taǵaıyndalady. «Kúmis alqa» alqasy bar analarǵa – 6,40 AEK nemese 25 165 teńge; «Altyn alqa» alǵan sondaı-aq buryn «Batyr Ana» ataǵy men I jáne II dárejeli «Ana dańqy» ordenderimen marapttalǵan analarǵa – 7,40 AEK (29 097) teńge qosymsha qosymsha qarajat beriledi.
Bıylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 6,5%-ǵa artty.
