Elektr tarıfiniń ósýine ne áser etti?

– Elektr qýatyn bosatý ta­rıfi burynǵy 29,04 teńgeden 32,58 teńgege ósti. Iаǵnı ósim 12,2 paıyzdy qurap otyr. Áý bas­ta monopolıst kompanııa bul baǵany birden 40 paıyzǵa ósirý týraly usynyspen shyqqan. Biraq biz barlyǵyn qaıta eseptep, faktorlardy eskere otyryp dáleldi túrde 12,2 paıyzǵa túsirdik. Tarıftiń ózgerýine kompanııanyń ózindik shyǵyndarynyń 29 paıyzǵa artyp ketýi sebep bolyp otyr. Atap aıtqanda, biryńǵaı satyp alýshy men satýshy baǵany 24 teńgeden 32 teńgege deıin kótergen. Ekinshiden, kásiporynda bıyl ortasha eńbekaqy mólsheri 360 myńnan 496 myń teńgege deıin joǵarylady. Ol da tarıftiń ózgerýine sebep boldy. Buǵan qosa, Pavlodar elektr taratý toraptarynyń shyǵyny 30 paıyzǵa artqan. Sondaı-aq monopolıst elektr qýatyn tasymaldaý kezinde kóptegen jeke kompanııalardyń jelilerin paıdalanatynyn eskerý kerek. Máselen bıyl «Qazaqstan temir joly» AQ-nyń jeli paıdalaný tarıfteri 48 paıyzǵa, «QazSýShar» RMK-da ol 112 paıyzǵa kóterilgen. Saldarynan álgi kompanııalardyń jelileri arqyly ótip, tutynýshylarǵa jete­­tin elektr energııasy­nyń ózindik quny qym­bat­taǵan, – dep túsindirdi tarıftiń ózgerýi­ne áser etken faktorlar­dy Pavlodar oblysy tabıǵı monopolııalardy retteý depar­tamentiniń basshysy Nurlan Nurmuratov.

Anyqtap bilgenimizdeı, tarıfke qýat naryǵyndaǵy baǵalardyń ózgerýi de yqpal etken. 1 megavatt  buryn 1 mln 196 myń teńge tursa, qazir ol 1 mln 400 myń teńge bolyp beki­tilgen.

«Pavlodarenergo» tarıftik usynystarynda qosymsha paıda bolǵan shyǵyndar 12 mlrd teńge dep kórsetip, ortasha tarıfti 37 teńgege deıin kóterýge áre­kettengen. Biraq biz óz tarapymyzdan taldaýlar júrgize kelip, qosymsha shyǵyndardy 5 mln teńgege deıin tómendettik, negizsiz shyǵyndardy alyp tas­tadyq. Nátıjesinde, tarıf tu­­tynýshylarǵa asa aýyr­lyq túsir­meıtin deńgeıde beki­tildi. Munyń barlyǵy elimiz­diń Tabıǵı monopolııalar týraly zańnamasy aıasynda jú­ze­ge asty», dedi Nurlan Nur­muratov.

Atap óterligi, tarıfterdiń ósýi bıyl qaladaǵy gıdravlı­kalyq synaq­­tar ýaqytymen tuspa-tus kelip otyr. Kópte­gen úı ystyq sýdan ýaqytsha ajyraýyna baılanysty tur­ǵyndar páterlerindegi sý ysyt­qyshtardy qosýǵa májbúr. Bul saıyp kelgende turǵyndardyń elektr qýatyn ádettegiden kóbirek tutynýyna sebep. Jańa tarıf tutynýshylardyń qalta­syna qanshalyqty salmaq salatyny qyrkúıek aıynda keletin túbirtekten baıqaıtyn bolamyz.

Sońǵy ret oblys orta­lyǵynda elektr qýatynyń tarıfi 2024 jyl­dyń tamyz aıyn­­da kóterilgen.

PAVLODAR