Foto: Aýyl sharýashylyǵy mınıstrligi
Jaqsy ónimdilikti Shyǵys Qazaqstan, Almaty, Batys Qazaqstan, Jambyl, Soltústik Qazaqstan jáne Jetisý oblystary kórsetip otyr.
Sońǵy derekter boıynsha, qazirdiń ózinde 2,2 mln gektar dándi daqyl orylyp, bul jalpy egis alqabynyń 13,7%-yn quraıdy. Bastyrylǵan astyq kólemi – 3,1 mln tonna.
Aýyl sharýashylyǵy mınıstrliginiń málimetinshe, sonymen qatar, 24,4 myń tonna maıly daqyl, gektaryna 239 sentnerden 525,5 myń tonna kartop, gektaryna 286 sentnerden 1,6 mln tonna kókónis, sondaı-aq gektaryna 269,9 sentnerden 1,8 mln tonna baqsha daqyldary jınalǵan.
Aıta ketelik, kókónister boıynsha da joǵary ónimdilik baıqalyp otyr: 319,5 myń tonna qyryqqabat jınalyp, gektarynan 375,4 sentner, 256,7 myń tonna pııaz jınalyp, gektarynan 390 sentner, 98,8 myń tonna sábiz jınalyp, gektarynan 298,1 sentner ónim alynǵan.
