Atalǵan kelisimshartqa sáıkes, oblys basshylyǵy 50 eldi mekende antenna matchtalyq dińgek ornatýdy óz moınyna alǵan. Al «Bılaın Qazaqstan» soǵan bazalyq stansııalaryn qoıdy.
«Úsh jyldyń ishinde bul jobaǵa bıýdjetten 4,4 mlrd teńge ınvestısııa salyndy. 2024 jyly 44 eldi mekende antena qurylysy aıaqtalyp, jeltoqsan aıynda 15 aýyl sapaly baılanys júıesine qosyldy. Bul jumystar áli jalǵasady. Qazirgi kezde 51 aýyldyń jobalyq-smetalyq qujaty daıyn», deıdi oblys ákimi Qumar Aqsaqalov.
«Bılaın-Qazaqstan» kompanııasynyń basshysy qondyrǵylarǵa jer bólip, ony ornatý jaǵynan Qostanaı oblysy basqa óńirlerden ozyq turǵanyn atap ótti.
«Qostanaı basqa óńirlerge qaraǵanda kósh ilgeri. Qazir oblysta bizdiń 450 bazalyq stansııa bar. Sonyń arqasynda jarty mıllıonnnan astam turǵyn bizdiń baılanysty paıdalanady. Bolashaqta keń jolaqty ınternetti óz abonentterimizge qoljetimdi qylamyz», deıdi «Veeline Qazaqstan» kompanııasynyń basshysy Raýan Qabdyrahımov.
Bılaın kompanııasy oblys aýmaǵyndaǵy eldi mekenderdi túgeldeı 4G ınternet jelisimen qamtýdy kózdep otyr.
Qostanaı oblysy
