Oblystyq jumyspen qamtýdy úılestirý jáne áleýmettik baǵdarlamalar basqarmasynyń bas mamany Jańylsyn Seıdalıevanyń aıtýynsha, áleýmettik kómek múgedektik sanaty bar adamdarǵa berilip jatyr.
«Bizdiń oblysta alty merekege oraı jekelegen sanatqa jatatyn turǵyndarǵa túrli kólemde birjolǵy áleýmettik tólemder berilip keledi. Atap aıtqanda, 1 mamyr – Qazaqstan halqynyń birligi kúni, 7 mamyr – Otan qorǵaýshylar kúni, 9 mamyr – Jeńis kúni, 30 tamyz – Konstıtýsııa kúni, 25 qazan – Respýblıka kúni jáne 16 jeltoqsan – Táýelsizdik kúnine oraı áleýmettik tólemder jyl saıyn beriledi», deıdi Jańylsyn Seıdalıeva.
Onyń deregine qaraǵanda, byltyr birjolǵy áleýmettik tólem 25 myń adamǵa berilgen. Al bıyl Konstıtýsııa kúnine oraı 27 myń adamǵa 50 myń teńgeden berý kózdelgen.
