«Jahandy jaılaǵan ekonomıkalyq syn-qaterlerge qaramastan elderimizdiń saýda-ekonomıkalyq baılanystary aıtarlyqtaı damyp keledi. 2024 jyly ekijaqty saýda-sattyq kólemi 44 mıllıard dollarǵa jetti. Bul – tarıhı meje», – dedi Memleket basshysy.
Prezıdenttiń aıtýynsha, Qytaı qazirdiń ózinde Qazaqstannyń eń iri saýda seriktesi mártebesin bekite tústi.
«Osylaısha, Qytaı Qazaqstannyń eń iri saýda-ekonomıkalyq seriktesi retinde pozısııasyn kúsheıtti», – dep atap ótti ol.
Toqaev eki el arasyndaǵy saýdanyń aýqymyn keńeıtý kólik-logıstıka, munaı-gaz, aýyl sharýashylyǵy jáne joǵary tehnologııalar salasyndaǵy yntymaqtastyqqa serpin berip otyrǵanyn aıtty.
«Saýda baılanystarynyń qarqyndy damýy jańa jobalardy júzege asyrýǵa múmkindik beredi. Biz Qytaımen seriktestikti barlyq salada keńeıtýge daıynbyz», – dep jazdy Prezıdent.
