Kezdesýde qos tarap Islam damý banki qarjylandyrmaq joba maqsatyn talqylady. Atalmysh jobanyń alǵashqy kezeńi 4 jańa sý qoımasyn salýǵa, 4 qoldanystaǵy sý qoımasyn jáne 115 kanaldy rekonstrýksııalaýǵa baǵyttalǵan.
Aıta ketelik, shilde aıynda Sý resýrstary jáne ırrıgasııa mınıstrligi men Islam damý banki elimizdegi sý jobasyna BUUDB-ny halyqaralyq keńesshi retinde qaraý sheshimi qabyldandy.
— BUUDB-nyń atsalysýy jobany jańa deńgeıge kóteredi. Islam damý bankiniń qarjylandyrýymen júzege asyrylatyn jobalar sý resýrstaryn basqarý júıesin jetildirýge baǵyttalǵan. Bul úshin zańnama jańartylyp, tıisti ınstıtýt qurylyp, qarjy bólindi. Endi bastalǵan isti nátıjeli aıaqtaý mańyzdy. Yntymaqtastyq tujyrymdamasynda kózdelgen mindetterdi oryndaı alamyz, — dedi Sý resýrstary jáne ırrıgasııa mınıstri Nurjan Nurjigitov.
