Qujatqa sáıkes, eger qolma-qol aqsha somasy kúntizbelik aı ishinde 10 mln teńgeden asatyn bolsa, onda málimetterdi salyq organdaryna berýge kelisim berýi qajet.
Tranzaksııaǵa árbir osyndaı ótinim kezinde bank fıskaldyq qurylymdarǵa táýekelderdi baǵalaý úshin aqparatty jiberýi tıis, ol úsh kún ishinde qaralady.
Jańa erejeler 2026 jyldyń 1 qańtarynan bastap kúshine enedi.
Joba «Ashyq NQA» saıtynda aǵymdaǵy jyldyń 12 qyrkúıegine deıin jarııa talqylaýda.
Túsindirme anyqtamanyń ózinde jobanyń maqsaty - jańa Salyq kodeksin qabyldaýdy, málimetterdi usyný nysanyn, sondaı-aq kásipkerlik sýbektilerinen alynǵan qolma-qol aqshany taǵaıyndaý týraly aqparatty qamtıtyn qosymshany eskere otyryp, qujattaǵy qoldanystaǵy normalardy ózektendirý ekendigi aıtylǵan.
Eske salaıyq, qazir bıznesti qolma-qol aqshaǵa aınaldyrý úshin shekti soma mólsheri kúntizbelik aı ishinde:
1) shaǵyn kásipkerlik úshin - 20 mln teńge;
2) orta kásipkerlik úshin - 120 mln teńge;
3) iri kásipkerlik úshin - 150 mln. teńge.
