Bıyldan bastap 1–11 synyp oqýshylaryna jasandy ıntellekt negizderi oqytylady. Maqsat – balalardy JI tehnologııalaryn saýatty basqarýǵa jáne tıimdi qoldanýǵa úıretý. Baǵdarlama oqýshylardyń jas erekshelikterine qaraı beıimdelip engiziledi. Sondaı-aq JI qoldaný etıkasyn túsindiretin ınteraktıvti «Day of AI» onlaın kýrsy barlyq oqýshy úshin qoljetimdi bolady.
10–11 synyp oqýshylaryna bastapqy kásibı biliktilik beretin erte beıindik baǵdarlaý engizildi. Al Keleshek mektepterinde kásibı baǵdar 7-synyptan bastalady. Bul úshin «Maman» atty arnaıy onlaın-platforma ázirlenip jatyr. Jańa júıe ár oqýshynyń qyzyǵýshylyǵy men qabiletin eskerip, baǵyt berýge múmkindik jasaıdy.
Menshik nysanyna qaramastan, barlyq bilim berý uıymdaryna «Adal azamat» birtutas tárbıe baǵdarlamasy engizildi. Baǵdarlama bıyl jalpyulttyq qundylyqtar men Abaı fılosofııasy negizinde qaıta jańǵyrtyldy. Sonymen qatar mektepterdiń biryńǵaı vızýaldy ortasyn qalyptastyrý úshin brendbýk pen dızaın-kod engizilýde.
Mektepter men kolledjderde býllıngtiń aldyn alý úshin «DosbolLIKE» baǵdarlamasy iske qosyldy. Oqýshylardyń ystyq tamaǵy vaýcherlik júıe arqyly «Áleýmettik ámııan» negizinde tólenedi. 2025 jyldyń sońyna deıin balalardyń múddesin basty nazarǵa alatyn «Qazaqstan balalary» biryńǵaı baǵdarlamasy qabyldanbaq.
