Foto: Ashyq derekkóz
Jańa erejege sáıkes, nesıe shartyna qol qoıylǵannan keıin bank qarajatty birden aýdarmaıdy. Osy kezeńde qaryz alýshy óziniń sheshimin qaıta qarastyryp, nesıe alýynan bas tarta alady.
Mádına Ábilqasymovanyń aıtýynsha, eger nesıe somasy 1 mıllıon teńgeden asatyn bolsa, qaryz alýshyǵa qosymsha 24 saǵat beriledi. Bul ýaqyt ishinde klıentter alaıaqtyq áreketterden saqtaný úshin qajetti tekseristen ótedi.
«Sondaı-aq, qaryz alýshy alaıaqtyq yqpalǵa ushyraǵan jaǵdaıda, sheshimin qaıta qarastyryp, nesıe alýynan bas tartý múmkindigine ıe bolady. 1 mıllıon teńgeden asatyn nesıeler úshin 24 saǵat, al 600 myńnan 1 mıllıon teńgege deıingi (150–250 AEK) nesıelerge 8 saǵattyq qosymsha merzim qarastyrylǵan. Buǵan deıin mundaı nesıeler birneshe mınýtta rásimdeletin», dedi agenttik basshysy.
