Foto: ashyq derekkóz
Eger býllıng alǵash ret tirkelse, aıyppul kólemi 10 AEK nemese 39 320 teńge bolady. Qaıtalaý jaǵdaıynda soma 30 AEK-ke (117 960 teńge) deıin ósedi.
Mektepter men kolledjderde «DosbolLIKE» atty antıbýllıng baǵdarlamasy engiziledi. Onyń aıasynda oqýshylarǵa aptasyna bir ret qaqtyǵystardy sheshý, emosııany basqarý jáne áleýmettik daǵdylardy damytý sabaqtary ótedi.
Sonymen qatar barlyq mektepterde, kolledjderde jáne balabaqshalarda «jeke qaýipsizdik sabaqtary» qaıta engiziledi. Synyp saǵatynda ótetin 10 mınýttyq sabaqtarda balalar ınternettegi qaýipsizdik, alaıaqtardan qorǵaný men tótenshe jaǵdaıdaǵy áreketterdi úırenedi.
Aıta keteıik, býllıngtiń birneshe túri bar: fızıkalyq (urý, ıterý, zattaryn syndyrý), verbaldy (mazaqtaý, balaǵattaý), áleýmettik (oqshaýlaý, ósek taratý) jáne kıberbýllıng (áleýmettik jelilerde qorlaý).
Eger balańyz býllıngke ushyrasa, ony mektep ákimshiligine habarlaý qajet. Sondaı-aq, táýlik boıy jumys isteıtin «Bala qorǵaý» onlaın-chaty jáne 111 jedel jelisi arqyly kómek alýǵa bolady.
Bul sharalar mektepterde qaýipsiz orta qalyptastyrýǵa baǵyttalǵan.
