Almaty qalalyq polısııasy eń keń taralǵan alaıaqtyq syzbalaryn túsindiretin arnaıy áleýmettik beınerolık daıyndady. Tártip saqshylarynyń aıtýynsha, iri sporttyq jáne mádenı sharalar aldynda ınternet arqyly jalǵan bıletter usynatyn alaıaqtar ádettegiden belsendi jumys isteı bastaıdy.
Polısııa azamattarǵa bıletterdi tek resmı kassalardan jáne lısenzııasy bar taratýshylardan alýdy usynady. Áleýmettik jeliler men messendjerlerde aldyn ala tólem jasaýdy talap etetin kúmándi usynystarǵa jolamaý qajet.
– Qala turǵyndary men qonaqtaryna eskertemiz: aldaǵy matchqa qyzyǵýshylyq artqan saıyn alaıaqtyq tizbekterdiń qaýpi de joǵarylaıdy. Eshqashan bıletti qoldan nemese tekserilmegen ınternet-platformalardan satyp almańyz. Kúmán týǵan jaǵdaıda resmı dıstrıbıýtor kassasyna júginińiz. Bul – ózińizdi jáne qarajatyńyzdy qorǵaýdyń jalǵyz joly. Bizdiń maqsatymyz – kıberqylmystardy anyqtap qana qoımaı, olardyń aldyn alý. Sol úshin áleýmettik beınerolıkter men BAQ arqyly profılaktıkalyq jumystardy kúsheıttik, – dedi Almaty qalalyq PD Kıberqylmysqa qarsy kúres basqarmasynyń bastyǵy Anes Qaldybaev.
Polısııa kúmándi habarlandyrýlar men alaıaqtyq belgileri anyqtalǵan sátte birden «102» nómirine qońyraý shalýdy eske saldy.
Aıta keteıik, «Qaırat» – «Real Madrıd» kezdesýi 30 qyrkúıek kúni Almatyda ótedi. Al «Intermen» kezdesý 5 qarasha kúni Mılanda ótedi. «Arsenalmen» kezdesý 2026 jyldyń 28 qańtaryna josparlanǵan.
