Bul týraly Qarjylyq monıtorıng agenttigi tóraǵasynyń orynbasary Jeńis Elemesov aıtty.
«Búginge eshqandaı ózgeris joq, qadaǵalap otyrmyz. Tıisti appelıasııalyq shaǵym túsken kezde ol jaıynda bilesizder. Sot úkimine sáıkes, sot oryndaýshylary onyń múlkin aýksıonǵa shyǵaryp satady. Sol qarajat esebinen zardap shegýshilerdiń shyǵyny óteledi», dedi ol Senattyń jalpy otyrysynan keıin BAQ ókilderiniń saýalyna oraı.
Onyń aıtýynsha, Qaırat Perızat qor esepshotyna túsken qarajatty ózi ǵana ıgergen. Qor qarajatyn talan-tarajǵa salǵan basqa tulǵalar anyqtalǵan joq.
Aıta keteıik, shilde aıynda Astana soty Perızat Qaıratqa 10 jyl merzimge bas bostandyǵynan aıyrý jazasyn belgiledi. Al anasy Ǵaını Alashbaeva 7 jyl merzimge bas bostandyǵynan aıyryldy.
