Sýret: primeminister.kz
О́z sózinde ol «Astana Finance Days» búginde 70-ten astam eldiń ınvestorlaryn, bıznes qaýymdastyǵy men memlekettik qurylymdaryn toǵystyrǵan aımaqtyq deńgeıdegi basty yntymaqtastyq alańyna aınalǵanyn ári elimizdiń ashyqtyǵyn aıqyndap, yntymaqtastyq pen ınnovasııaǵa degen berik ustanymyn dáleldeıtinin atap ótti.
Forýmnyń ózektiligin eldiń ekonomıkalyq kórsetkishteri de aıqyn dáleldeıdi. Bıylǵy jylǵy qańtar-shilde aralyǵynda IJО́ ósimi 6,3%-dy qurap, onyń ishinde naqty sektor 8,3%-ǵa, qyzmet kórsetý salasy 5,2%-ǵa artty. Jyldyń I toqsanynda tikeleı sheteldik ınvestısııalar kólemi 6,6 mlrd dollarǵa jetip, ótken jylmen salystyrǵanda 6,2%-ǵa ósti. Al negizgi kapıtalǵa salynǵan ınvestısııalar 9,9 trln teńgeni qurap, 16,1%-ǵa ulǵaıdy. Bul derekter halyqaralyq seriktesterdiń qoldaýyn kórsetip, Qazaqstannyń senimdi ınvestısııalyq alań retindegi mártebesin rastaıdy.
«Memleket basshysy alǵa qoıǵan basty mindettiń biri – ınvestısııa tartý. Maqsat – 2029 jylǵa qaraı ekonomıkanyń kólemin eki eseleý. Bul úshin keminde 150 mlrd dollar kóleminde tikeleı ınvestısııa tartyp, negizgi kapıtalǵa salynatyn ınvestısııalardyń IJО́-degi úlesin 23%-ǵa jetkizý qajet. Osy maqsatta qazirdiń ózinde jańa tetikter engizildi, sonyń ishinde ınvestısııalar týraly kelisimder men basym jobalarǵa arnalǵan «jasyl dáliz» mehanızmi bar», dedi S.Jumanǵarın.
Astana halyqaralyq qarjy ortalyǵy (AHQO) bul mindetterdi júzege asyrýda erekshe oryn alady. Qurylǵan kúninen bastap AHQO aǵylshyn jalpy quqyǵynyń qaǵıdattaryna, táýelsiz retteý men halyqaralyq standarttarǵa negizdelgen biregeı ınstıtýsıonaldyq orta usynyp keledi. Búginde ortalyq alańynda 85 elden 4 myńnan astam kompanııa tirkelgen. Olar aktıvterdi basqarý men fıntehten bastap, jasyl qarjy jáne ıslamdyq bankıngke deıingi túrli salalardy qamtıdy. Osy kompanııalardyń Qazaqstan ekonomıkasyna salǵan jalpy ınvestısııa kólemi 17 mlrd dollardan asty.
Sóz sońynda S.Jumanǵarın seriktesterge birlesken jobalarǵa belsendi qatysqany úshin alǵys aıtyp, VIII «Astana Finance Days» forýmynyń yntymaqtastyqtyń jańa kókjıekterin ashyp, ortaq ıgilikke qyzmet etetin bolashaqty qalyptastyrýda mańyzdy qadam bolaryna senim bildirdi.
