«Jaýyngerlik dostastyq-2025» taktıkalyq oqý-jattyǵýynyń belsendi fazasynda ótken oqý-jattyǵý barysyn Qorǵanys mınıstriniń orynbasary – Áýe qorǵanysy kúshteriniń bas qolbasshysy general-maıor Qaırat Sadyqov jáne Qorǵanys mınıstriniń sıfrlandyrý jónindegi orynbasary Darhan Ahmedıev baqylady.
Manevrlerge áýe shabýylyna qarsy qorǵanys bólimsheleri men shartty qarsylas rólin atqarǵan Áýe kúshteriniń maıdandyq avıasııa ekıpajdary qatysty. Áýe nysandary anyqtalǵan sátte áýe shabýylyna qarsy qorǵanys eseptoptary jappaı soqqylarǵa toıtarys berý úshin habardar etý jáne soqqy berý quraldaryn qoldaný algorıtmderin pysyqtady.
«Taktıkalyq oqý-jattyǵý Áýe qorǵanysy kúshteriniń damýyna mańyzdy kezeń boldy. Biz alǵash ret avtomattandyrylǵan basqarý júıesin qoldandyq, nátıjeleri kútkennen de asyp tústi. Sıfrlyq sheshimder aqparat almasý jyldamdyǵyn arttyryp, úılesimdilikti naqtylaı tústi. Bul áskerdi basqarý júıesin jetildirýge yqpal etti», dedi áýe shabýylyna qarsy qorǵanys áskeri mamany Ádil Súbebaev.
Oqý-jattyǵý sıfrlyq sheshimderdi jaýyngerlik tájirıbege engizý bólimshelerdiń jaýyngerlik qabiletin arttyrýǵa jáne el áýe keńistiginiń qaýipsizdigin nyǵaıtýǵa jańa múmkindikter ashatynyn rastady.
