Eńbekke yntalandyratyn platforma

«О́zimdi aldanǵandaı, qorǵansyz sezindim. Sol kezde basqa balalardyń dál osyndaı jaǵdaıǵa túspeýin qaladym», deıdi ol. Osylaısha, jastardy qorǵaýdy kózdeıtin joba dúnıege kelgen.

Safııa №134 lıseıde oqıdy. Bala kezinen túrli salaǵa qyzyqqan. Án aıtyp, «Golos. Detı» jobasyna qatysýdy armandaǵan, shyǵystyq bı bılegen, fýtbol oınaǵan. Ákesi sportty jaqsy kórgendikten, qyzyn da baýlyǵan. «Meni eshqashan «qyz balaǵa bul bolmaıdy» dep shektegen emes. Kerisinshe, ata-anam maǵan sendi», deıdi ol.

Tehnologııaǵa qyzyǵýshylyǵy 2024 jyly ótken «Technovation Girls Kazakhstan» halyqaralyq baıqaýy­nan bastalǵan. Sol kezde ol komandasymen birge jer silkinisi kezinde qaýip­sizdikti qamtamasyz etetin «SeismoSafe» qosym­shasyn jasap, respýblıkalyq kezeńniń shırek fınalyna deıin jetken. «Osy tájirıbe maǵan qyzdardyń da tehnologııada da jetistikke jete alatynyn kórsetti», deıdi Safııa.

Joba – jasóspirimderge arnalǵan mobıldi qosymsha. Onyń basty maqsaty – jastardy senimdi jumys berýshilermen baılanystyrý. Qosymshada úsh deńgeıli qorǵanys bar:

 – árbir jumys berýshi qujat bo­ıynsha tekseriledi (salyq tirkeýi, zańdy qujattar);

 – vakansııalar qolmen súzgiden ótedi, zańǵa qaıshy nemese qaýipti jumystar qabyldanbaıdy (mysaly, hımııalyq zattarmen jumys, túngi kezekshilik, bıiktikte nemese jer astynda eńbek etý);

– reıtıng pen shaǵym júıesi bar, adal emes kompanııalar birden bazadan shyǵarylady.

Joba ishinde arnaıy «AI»-bot Bobr­jan jumys isteıdi. Ol kúmándi sıpattamalardy taýyp, habarlandyrýlardy qaıta tekserýge jiberedi. Mysaly, «jyldam aqsha», «qupııa jumys», «qujatsyz» degen tirkester birden belgilenedi. Sonymen qatar Bobrjan jasóspirimniń qyzyǵýshylyǵy men qabiletterin taldap, sáıkes vakansııalardy usynady. Keleshekte bot rezıýme jasaýǵa da kómektesetin bolady.

«Jastar ózderiniń jeke derekterin qosymshaǵa qaldyrady. Sondyqtan derek­terdiń qaýipsizdigi biz úshin mańyz­dy. Biz Google KMS shıfrlaý júıesin qoldanamyz. Tipti derekter bazasyna ruqsatsyz kirgen kúnniń ózinde, máli­metter kiltsiz oqylmaıdy», deıdi startap avtory.

Qazirgi tańda «Work4Teen» «MVP» keze­ńinde alǵashqy nusqasy daıynda­lyp, qanatqaqty testileýden ótti. Jas­tar qosymshanyń yńǵaıly ekenin atap, oń pikir bildirgen. Endigi maqsat – qosymshany sapaly vakansııalarmen tolyqtyrý. Komanda rıteıl, fastfýd, bank, fınteh, telekom, «IT», medıa jáne bilim berý salalaryndaǵy jumys berýshilermen seriktestik ornatýǵa nıetti.

Jas komanda quramynda Safııadan ózge Melıta Hadjakova, Kamıla Shapen, Alek­sandra Bortnıkova, Zere Bahrı­dın esimdi oqýshylar bar. Olardyń árqaı­sysy mindetterin bólip alǵan.

Olar qazirdiń ózinde birneshe eleýli jetistik­ke jetip úlgergen. Atap aıtqanda, komanda 1S startap-báıgesinde je­ńimpaz atanyp, Sátbaev ýnıversıtetinde tórt jyl boıy tegin bilim alatyn oqý grantyn ıelengen. Sonymen qatar jobaǵa 250 myń teńge kóleminde ınvestısııa bólingen. Bul jeńis komandaǵa óz ıdeıa­laryn ári qaraı damytý­ǵa senimdi serpin berdi. Bu­dan bólek, «Technova­tion Girls Kazakhstan» 2025 baıqaýynda olar aımaqtyq kezeńniń úz­dikteri atanyp, qyz­dar­dyń tehnologııa salasynda da ta­bysqa jete alatynyn dáleldegen. Al halyqaralyq deńgeıde «Lenovo» kompanııasy jobany qoldasa, «Yandex» olardy áleýmettik mańyzy bar jasandy ıntellekt sheshimderin nasıhattaıtyn «AI for Social Good» nomınasııasyna usynyp, «Work4Teen»-niń áleýetin taǵy bir márte aıqyndap berdi.

Komanda «Work4Teen» qosymshasyn jaqyn arada elimizde resmı túrde iske qospaq. Bolashaqta qazaq, orys, aǵylshyn tilderinde jumys isteıtin qosymshaǵa ózbek jáne qyrǵyz tilderi de qosylady.

«Biz búkil Ortalyq Azııaǵa ortaq platforma jasaǵymyz keledi. Ár eldiń zańnamasyna beıimdelgen júıe arqyly qazaqstandyq jasóspirim ózbek IT-kompanııasynda jumys isteı alady, al qyrǵyz stýdenti tájik oqýshysyna repetıtor bola alady», deıdi Safııa.

Onyń kún tártibi tyǵyz: tańerteńnen túske deıin sabaq, tústen keıin – «Work4Teen», keshkisin – úı tapsyrmalary men IELTS kýrsy. Demalys kúnderi komandamen kezdesip, jobany talqylaıdy. «Árıne, keıde eshteńe istegim kelmeıtin kezder bolady. Biraq «Work4Teen» – jaı ǵana qosymsha emes. Bul jastardyń eńbegin qorǵaýǵa, olardyń alǵashqy tájirıbesin qaýipsiz etýge baǵyttalǵan júıe. Biz jastardyń eńbegi baǵalanýyn jáne olardyń armanyn adal jolmen júzege asyrýyn qalaımyz. Sondaı-aq maǵan tabysty otandyq kásipker áıelder, ásirese «YAYA» jobasynyń jetekshisi Laýra Eralıeva shabyt beredi. Solarǵa qarap ózim de alǵa jyljı túse­min», deıdi ol.