Sýret: qamshy.kz/kz
О́ńirlik bilim berý basqarmasynyń dereginshe, oblystyń 12 myńnan asa mektep oqýshysy kómekke zárý. Olardyń deni – kópbalaly, az qamtylǵan otbasylarda tárbıelenip jatqan baldyrǵandar.
– Aksııa barysynda júrgiziletin negizgi is-sharalar bar. Olar áleýmettik az qamtylǵan otbasylarǵa kómek kórsetý, qaıyrymdylyq sharalaryn uıymdastyrý. Demeýshilerdiń esebinen oqýshylarǵa mektepke qajetti qural-jabdyqtar, kıim, aıaqkıim, portfel men keńse jabdyqtary satyp alynyp jatyr. Jergilikti bilim bólimderindegi áleýmettik qorǵaý qyzmetkerleri muqtaj otbasylardyń tizimin jasaıdy. Mekteptermen birlese otyryp naqty kómekti qajet etetin balalar anyqtalady, – deıdi Pavlodar oblysy bilim berý basqarmasy balalardyń quqyqtaryn qorǵaý jáne ınklıýzıvti bilim berý bóliminiń bas mamany Samal Álimova.
Mamandar aksııa barysynda reıdter júrgizip, jármeńkeler uıymdastyrady. Jármeńkeler aýdan, qalalardaǵy bazarlar aýmaǵynda ótip jatyr. Munda oqý quraldary men kıim-keshek dúkenderden áldeqaıda arzan baǵada usynylady.
Ata-analardyń ótinishterine jedel jaýap berý úshin «jedel jeliler», «senim» telefondarynyń jumysy uıymdastyrylǵan. Kómekke muqtaj otbasylar turǵylyqty jeri boıynsha bilim berý bólimine nemese tikeleı bilim berý uıymyna júgine alady.
Pavlodar oblysy
