«Qazaqstandaǵy bankterdiń qarajaty men aktıvteri damyǵan elderge qaraǵanda orta eseppen birneshe ese kóp paıda ákeledi. Sebebi bizdiń bankter ekonomıkaǵa nesıe bergennen góri qarjylaı táýekeli tómen baǵyttarǵa aqsha salǵandy jón kóredi. Osy máseleni depýtattar, sarapshylar kóterip júr. Ulttyq bank pen úkimet bankterdiń aqshasyn ekonomıkaǵa barynsha tartýdyń tıimdi tásilderin tabý qajet. Endi bul máseleni sozýǵa bolmaıdy, shuǵyl sheshý qajet», dedi Toqaev.
Memleket basshysy bankter týraly jańa zań qabyldaýdyń mańyzyn da atap ótti.
«Bul baǵyttaǵy mańyzdy qadamnyń biri bankter týraly el ekonomıkasynyń qajetteligin eskeretin jańa zań qabyldaý. Qujatta básekelestikti kúsheıtý, naryqqa jańa qatysýshylardy tartý, fıntehti damytý jáne sıfrlyq aktıvterdi lıberalızasııalaý máselesi qaralýy kerek», dedi ol.
Jańa zań bank sektoryn damytyp, qarjyny naqty ekonomıkaǵa tartýdy kúsheıtýge baǵyttalmaq.
